Әһли Бејт -АБНА- хәбәр аҝентлијинин вердији хәбәрә әсасән: Чиндә һүндүрмәртәбәли бинанын 10-ҹу мәртәбәсиндән јыхылан 2 јашлы гыз ушағы сағ галыб. Көрпәнин сағ галмасы хошбәхтликдән һәмин јердә олан гоншу гадынын ҹәлдлији вә ҹәсарәти сајәсиндә мүмкүн олуб. Интернетдә вә күтләви информасија васитәләриндә мараға сәбәб олан бу һадисә Чинин шәргиндәки Ханчжоу шәһәриндә баш вериб.
Шаһидләрин сөзләринә ҝөрә, евдә нәзарәтсиз галмыш көрпә пәнҹәрәјә чыхараг бир нечә дәгигә бинанын чөл тәрәфиндә пәнҹәрә чәрчивәсиндән асылы галдыгдан сонра әлләрини бурахыб. Әтрафдакыларын гышгырыг сәсинә јетишән Чзунпин адлы гадын көрпә јерә јахынлашаркән һүнрдүрдабан ајаггабыларыны чыхарараг өзүнү јетириб. Нәтиҹәдә көрпә јалныз дахили органларынын зәдәләнмәси илә ҹаныны гуртарыб. Хиласкар гадын исә голунда чохсајлы гырыгларла хәстәханаја јерләшдирилиб.
Диггәт: Хәбәрдән истифадә етдикдә мәнбәјә истинад лазымдыр
