Әһли Бејт -АБНА- хәбәр аҝентлијинин вердији хәбәрә әсасән: “Мозалан” киножурналына иҹтимаи диггәти артырмаг, онун сүжетләрини мүасир һәјатын тәләбләринә ҹаваб верән мөвзуларла зәнҝинләшдирмәк вә кинодраматурҝијанын бу нөвүнә јени гүввәләр ҹәлб етмәк мәгсәди илә Мәдәнијјәт вә Туризм Назирлијинин кечирдији ссенари мүсабигәсинин нәтиҹәләри ачыгланыб.
Назирлијин интернет сајтынын вердији мәлумата ҝөрә, мүсабигәјә профессионал кино-драматургларын вә диҝәр мүәллифләрин мүасир һәјатымызын проблемләрини әкс етдирән, 2-4 дәгигәлик бәдии сүжет үчүн нәзәрдә тутулан ссенариләри тәгдим олунуб. Мүсабигәсинин мүнсифләр һејәтинин гәрарына әсасән “Мозалан” киножурналы үчүн ссенари мүсабигәсинин үч галиб ссенариси тәсдиг едилиб:
1. “Ағыллы” вә ја “Нағдсыз һагг-һесаб” (мүәллиф: Мәликов Рүфәт);
2. “Лифт” (мүәллиф: Елчин Мусаоғлу);
3. “Һејванлар аләминә сәјаһәт” (мүәллиф: Лалә Аббасова).
Мүнсифләр һејәтинин мүәјјән етдији галиб ссенариләр “Мозалан” студијасында чәкиләҹәк вә онларын мүәллифләринә гонорар вериләҹәк.
Диггәт: Хәбәрдән истифадә етдикдә мәнбәјә истинад лазымдыр
