Әһли Бејт -АБНА- хәбәр аҝентлијинин вердији хәбәрә әсасән: Дүнјанын нүфузлу гәзетләриндән бири, Франсада нәшр олунан “Ле Фиҝаро” Азәрбајҹанла бағлы мәгалә јајымлајыб. Пјер Аврил имзасыјла дәрҹ олунан мәгаләдә Азәрбајҹан рәһбәри Илһам Әлијевин демократик әнәнәләрдән горхдуғу вурғуланыр.
Мүәллиф гејд едир ки, Илһам Әлијев бүтүн ресурлары ишә салараг һакимијјәтә гаршы динҹ аксијаларын кечирилмәсина мане олмаға, баш тутан аксијалары исә зор ҝүҹү илә дағытмаға чалышыр: “Авторитар Илһам Әлијев өзүнүн “азәрбајҹан модели”ни горумагда исрарлыдыр. Мәһз буна ҝөрә дә, “әрәб баһары”ндан илһамланан етиразчыларын кечирдији бүтүн аксијаларын гаршысыны алыр”.
Пјер Аврил мәгаләсиндә Азәрбајҹанын “Еуровисион” галибијјәтинә дә тохунуб. Онун јаздығына ҝөрә, мусиги јарышмасында Елдар Гасымов вә Ниҝар Ҹамалын галиб ҝәлмәси мүасир вә космополит, зәнҝин тәбии еһтијатлара малик, хариҹи инвесторлара гуҹаг ачан, еләҹә дә дүнја сијаси сәһнәсиндә јер тутмаға чалышан Азәрбајҹан үчүн “витрин” олду.
“Ле Фиҝаро” гәзетиндә дәрҹ олунан јазыда Јахын Шәрг вә Шимали Афирка өлкәләрини бүрүјән етираз далғасы вә баш верән һакимијјәт дәјишикликләринин Азәрбајҹана сирајәт етдији, Илһам Әлијевин исә бундан ҹидди нараһатлыг кечирдији вурғуланыр: “Республикаја авторитар имиҹи илә танынан Илһам Әлијев рәһбәрлик едир. Әрәб ингилаблары баш вермәсәјди Илһам Әлијев даһа раһат нәфәс ала вә һакимијјәтини узада биләрди. Анҹаг әрәб дүнјасыны бүрүјән етираз далғасындан илһамланан азәрбајҹанлыларын күчәләрә ахышмасы авторитар Әлијеви ҹидди нараһатлыг кечирмәјә мәҹбур едиб. Мәһз буна ҝөрә дә о, истәнилән ән кичик етиразы белә сәрт гајдада сусдурмаға чалышыр. Сәккиз илдир һакимијјәтдә олан Әлијевләр сүлаләсинин сонунҹу нүмајәндәси бүтүн динҹ етираз аксијаларынын гаршысыны зоракы вә сәрт үсулларла алыр. Сон заманлар Азәрбајҹан мүхалифәтинин кечирдији бүтүн етираз аксијалары дағыдылыб, аксија тәшкилатчылары вә фәаллары һәбс олунублар”.
Мүәллиф ону да әлавә едиб ки, Азәрбајҹан һөкумәти гоншу өлкәләри, һәтта гардаш Түркијә дөвләтини дә өзү үчүн ҹидди тәһдидләрдән бири кими ҝөрүр: “Өлкә парламентинин Бејнәлхалг Әлагәләр Комитәсинин һазырладығы, Азәрбајҹан үчүн тәһдид јарадан гоншу өлкәләрин сијаһысына диггәт јетирдикдә һәр шеј ајдын олур. Өлкәнин әрази бүтовлүјү, милли марагларына тәһлүкә јарада биләҹәк дөвләтләр арасында Азәрбајҹанын шимал гоншусу Русија, ҹәнубда нүвә силаһлы әлдә етмәјә чалышан Иран, шәргдә гејри-сабит Мәркәзи Асија, гәрбдә гардаш өлкә адландырылан Түркијә вә ән әсасы Дағлыг Гарабағла әтраф рајонлары ишғалда сахлајан Ермәнистан јер алыр”.
Мәгаләдә Илһам Әлијевин Азәрбајҹанда монархија идарәчилик системи јаратмагда иттиһам олундуғуна да тохунулуб: “Илһам Әлијев өлкәдә монархија әнәнәләрини мөһкәмләндирмәкдә, демократија вә инсан һагларыны мәһдудлашдырмагда ҝүнаһландырылыр. Өлкәдә инсан һагларынын вәзијјәти ҝетдикҹә даһа да ағырлашыр”.
Диггәт: Хәбәрдән истифадә етдикдә мәнбәјә истинад лазымдыр
