Әһли Бејт -АБНА- хәбәр аҝентлијинин вердији хәбәрә әсасән: РФ Президентинин вә һөкумәтинин 12 вә 14 ијун тарихли сәрәнҹамларына әсасән, Русија ФҺН-ин 3 хүсуси рејси илә Русијанын Јәмәндәки хариҹи мүәссисәләринин фәал көмәји илә Сәна вә Әдәндән тәхлијјә тәдбирләри һәјата кечирилиб. Тренд-ин мәлуматына ҝөрә, бу барәдә Русија ФҺН-ин рәсми сајты мәлумат верир.
Вәтәнә гајытмаг истәјән 214 нәфәр тәхлијјә олунуб. Онларын чоху гадын вә ушаглардыр.
“Онларын 72-си Русија вәтәндашыдыр, галаны МДБ өлкәләри - Таҹикиситан, Украјна, Өзбәкистан, Беларус, Азәрбајҹан вә Молдова вәтәндашларыдыр”.
Јәмәндә һөкумәт әлејһинә чыхышлар февралын әввәлиндән давам едир. Гәрб КИВ-ин мәлуматына ҝөрә, халг үсјанлары заманы өлкәдә бир нечә јүз инсан һәлак олуб. Сон һәфтәләр әрзиндә өлкәдә һөкумәт гошунларынын дөјүшчүләрлә тоггушмалары баш верир.
Ијунун 3-дә намәлум шәхсләр Сәна шәһәриндә президент игамәтҝаһынын билаваситә јахынлығында мәсҹиди атәшә тутублар. Нәтиҹәдә Президент, Баш назир, Баш назирин мүавини, парламент сәдри вә әнәнәви ҹүмә намазына ҝәлән даһа бир нечә сијасәтчи јараланыб.
Диггәт: Хәбәрдән истифадә етдикдә мәнбәјә истинад лазымдыр
