Әһли Бејт -АБНА- хәбәр аҝентлијинин вердији хәбәрә әсасән: АФП билдирир ки, Мисирдәки "Мүсәлман гардашлар" (Ихванул Муслимин) тәшкилатынын ады рәсмән гадаған едилмиш структурлар сијаһысындан чыхарылыб. Беләликлә дә 80 иллик тарихи әрзиндә илк дәфә олараг "Мүсәлман гардашлар" легал сијаси тәшкилата чеврилибләр.
Јени формасында Азадлыг вә Әдаләт Партијасы адланаҹаг тәшкилат сечкиләрә гатылмаг имканы әлдә едиб. Тәшкилатын лидерләри билдирибләр ки, партија теократик олмајаҹаг, әнәнәви дәјәрләри мүһафизә едәрәк Авропадакы христиан-демократик партијаларын мүәјјән аналогу олаҹаг.
Партија сентјабрда кечириләҹәк парламент сечкиләриндә мандатларын 1/3-дән јарысына гәдәрини газанмағы дүшүнүр.
Бундан башга, тәшкилатын лидерләриндән бири Әбделмуним Әбделфүтуһ өлкә президенти постуна сеикиләрә гатылаҹаг.
Диггәт: Хәбәрдән истифадә етдикдә мәнбәјә истинад лазымдыр
