Әһли Бејт -АБНА- хәбәр аҝентлијинин вердији хәбәрә әсасән: Гафгаз реҝионунун мәтбуаты Русијанын Ермәнистана Азәрбајҹан Республикасынын һава сәрһәдләриндән һәрби гүввә вә тәҹһизат ҝөндәрдијиндән хәбәр вериб.
Тифлисдә чап олунан Ахали Таоба гәзетинин мәлуматына әсасән, 3 илдир ки, Русија Ермәнистанын 102 сајлы һәрби базасына силаһ вә һәрби гүввә ҝөндәрмәк үчүн Азәрбајҹан Республикасынын һава сәрһәдләриндән истифадә едир.
Бу мәлумата ҝөрә, Ҝүрҹүстан мәтбуаты һәмчинин бу саһәдә Тифлис-Москва разылашмасынын ләғвинә лагејд галдығыны да гејд едиб. Русија 2008-ҹи илдән сонра һәрби гүввә вә силаһ ҝөндәрмәк үчүн Азәрбајҹан Республикасынын һава сәрһәдләриндән истифадә едир.
Ҝүрҹүстанын бәзи мәтбуат васитәләри 2008-ҹи илдә Ҹәнуби Осетија мүһарибәсиндән сонра Русија илә әлагәләрини позуб. Беләликлә дә Ермәнистана һәрби гүввә вә силаһ ҝөндәрмәси һагда 2006-ҹы илдә бағланмыш разылашма сәнәди дә гүввәдән дүшүб. О замандан етибарән, Русија һәрби гүввәләрини Азәрбајҹан васитәсилә Ермәнистана ҝөндәрир.
Бу елә бир һалдадыр ки, Ермәнистан сәрнишин тәјјарәләри дә Русијаја учмаг үчүн Азәрбајҹан әразисиндән өтүб кечирләр.
Гејд едәк ки, Русијанын ән бөјүк дүшәрҝәси олан 102 сајлы һәрби һиссә Гафгазда, Ермәнистан әразисиндә јерләшир. Бу һәрби һиссәдә 3 мин нәфәр һәрби гүввә, С-300 типли ракет системләри, МИҜ-29 гырыҹылары вә онларла танк вардыр.
Русијанын Азәрбајҹан Республикасы васитәсилә Ермәнистана һәрби гүввә ҝөндәрмәси елә бир һалда ифша олунур ки, бундан әввәл Ермәнистанла Азәрбајҹан арасында Ханкәнди аеропорту барәдә наразылыглар баш алыб ҝедир. Белә ки, Гарабағын мәркәзи Ханкәндиндә аеропортун ачылма мәсәләси, онун ардынҹа Азәрбајҹан Республикасынын Нахчывана учан сәрнишин тәјјарәләринин Ермәнистан һава сәрһәдини ашмасы һагда јаранан наразылыглар олдуғу заман сән демә Русијаја учан Ермәнистан тәјјарәләри Ҝәнҹә рајонундан өтүб кечирмиш.
Диггәт: Хәбәрдән истифадә етдикдә мәнбәјә истинад лазымдыр
