Әһли Бејт АБНА хәбәр аҝентлијинин вердији хәбәрә әсасән: Дүнән Азәрбајҹан Ислам Партијасынын нөвбәти баш мәҹлисис кечирилиб. Баш мәҹлисин ҝүндәлијиндә өтән дөвр әрзиндә партијанын һәјата кечирдији тәдбирләр, өлкәнин иҹтимаи-сијаси вәзијјәти һагда мүзакирәләрин апарылдығыны дејән Акиф Һејдәрли, партијанын нөвбәти күтләви етираз аксијасы кечирмәк үчүн һазырлыг ишләри ҝөрүдүјүнү билдирди:
“Баш мәҹлисдә әсасән АИП сәдринин гондарма иттиһамларла һәбс олунмасы, партија структурунун ҝүҹләндирилимәси, өлкәдә вә бејнәлхалг аләмдә баш верән иҹтимаи-сијаси вәзијјәт мүзакирә олунуб. Билдијимиз кими Азәрбајҹан һакимијјәти АИП-ин фәалијјәтини сүни маниәләр јаратмаг үчүн партија функсионерләрини һәбс едибләр. Биздә АИП олараг партијанын иш структуртуну ҝүҹләндирмәк үчүн һәбс олунан партија функсионерләрини јеринә нөвбәти шәхсләр тәјин етдик. Илкин олараг баш мәҹлисдә чыхыш едән АИП сәдри Елчин Манафов, партијанын вердији бәјанатлар, АИП сәдри һаггында апарылан истинтагын ҝедишиндән вә партијанын аксија кечирмәси үчүн Бакы шәһәр Иҹра һакимијјәтинә едиләҹәк мүраҹиәт һаггында мәрузә илә чыхыш етди” - дејә Акиф Һејдәрли әлавә етди.
Бундан сонра АИП сәдринин иҹтимаи мәсәләләр үзрә мүавини Ингилаб Әһәдлинин Мөвсүм Сәмәдовун истинтагы һаггында чыхыш етдијини дејән Акиф Һејдәрли, истинтагын дүзҝүн апарылмадығын вә ҝеҹ һәјата кечирилдијини гејд етди: “Баш мәҹлисдә ән ҝениш мүзакирә олан мәсәләләрдән бири дә АИП-ин кечирмәк истәдији нөвбәти митинг илә әлагәдар иди. Билдијимиз кими АИП ики дәфә Бакы шәһәр Иҹра һакимијјәтинә митинг кечирмәк илә әлагәдар мүраҹәит етмишди. Лакин һеч бириндә мүсбәт ҹаваб алмамышдыр.
Баш мәҹлисдә президентлә ҝөрүшмәк үчүн мәктуб һазырланды вә АИП-ин баш мәҹлисинин адындан өлкә башчысына үнванланды. Әҝәр мәктубумуза мүсбәт ҹаваб верилсә , ҝөрүш заманы баш вермиш проблемләримиз мүзакирә олунаҹаг. Мәнфи ҹаваб ҝәлдији һалда исә нөвбәти дәфә разылашдырлымыш аксија кечирмәк үчүн Бакы шәһәр Иҹра Һакимијјәтинә мүраҹиәт олунаҹаг. Јенә дә мүраҹиәтимиз гәбул олунмаса артыг АИП баш верә биләҹәк һадисәләрин мәсулијјәтини өз үзәриндән ҝөтүрәҹәк. Баш мәҹлисин сонунда партијанын бәјанаты гәбул олунуб - дејә Акиф Һејдәрли сон олараг вурғулады.
Гејд едәк ки, дүнән АИП-ин баш мәҹлисиндә Акиф Һејдәрли партија сәдринин сијаси мәсәләләр үзрә мүавини, Ариф Гәнијев тәшкилати мәсәләләр үзрә, Ингилаб Әһәдли иҹтимаи мәсәләләр үзрә мүавин, Ҹавид Алышов исә АИП мәтбуат хидмәтинин рәһбәри вәзифәсинә тәјин едилиб. Баш мәҹлисин сонунда партијанын бәјанаты гәбул олунуб. Бәјанат дејилир:
"Азәрбајҹан Ислам Партијасы өлкәмизин әрази бүтөвлүјүнүн узун илләр тәмин олунмамасындан ҹидди нараһат олдуғуну бәјан едир. Биз бу проблемин сүлһ јолу илә һәллини үзәринә ҝөтүрән бејнәлхалг тәшкилатларын алдадыҹы маневрләринә сон гојулмасыны тәләб едирик вә дүшүнүрүк ки, торпагларымызын ҝери гајтарылмасы үчүн халгын бирлији, ирадәси, шүҹаәти ән ваҹиб шәртдир.
Бәјан едирик ки, бу ҝүн дүшмән вәтәнимизи парчаламагла кифајәтләнмир, өлкәмизә даһа дәриндән нүфуз етмәјә сәј ҝөстәрир. Иҹтимаи һәјатда сабитлији позмаг, халгын ајры-ајры тәбәгәләри, садә вәтәндашларла һакимијјәти гаршы-гаршыја гојмаг үчүн хаин гүввәләр мүхтәлиф һијләләрә әл атырлар. Милли-мәнәви дәјәрләрә һәгарәт олунур, мүгәддәс динимиз, онун атрибутлары вә дашыјыҹылары тәһгир едилир, азад фикирли инсанлар исә ҝүнһасыз јерә һәбсханалара атылыр. Тәәссүфләр олсун ки, бәзи һакимијјәт даирәләри хариҹи гүввәләрин сијаси марагларыны тәмин етмәкдән, Конститусијамыза, инсан азадлығына зидд мөвгедә дајанмагдан чәкинмирләр.
Дөвләтимизин сабитлијини тәһлүкә алтына гојан мәгамлардан бири дә хаин гүввәләрин халга гаршы һөрмәтсизлији вә халгын етираз сәсинин боғулмасына едилән ҹәһдләрдир. Белә ки, АИП-ин ардыҹыл ики дәфә динҹ митинг кечирмәк барәдә БШИҺ-ә мүраҹиәтинә мәнфи ҹавабын верилмәси вәзијјәти даһа да мүрәккәбләшдириб. Чыхыш јолуну тапмаг үчүн биз дөвләт башчысы илә ҝөрүшәрәк, бирҝә мүзакирәләрә апармағы зәрури һесаб едирик. Бу аддым тәрәфдарларымызын етимадыны доғрултмаг, мәсулијјәтини дәрк етмәклә атылыр. Дөвләт башчысындан мүсбәт ҹаваб алаҹағымыза вә гыса вахт әрзиндә ҝөрүшәҹәјимизә үмид едирик. Бундан сонра јалныз митинг үчүн Бакы Шәһәр ИҺ-ә сонунҹу мүраҹиәтимиз вә нәһајәтдә баш верә биләҹәк һадисәләрдән өнҹә мәсулијјәти үзәримиздән ҝөтүрмәк галыр."
Диггәт: Хәбәрдән истифадә етдикдә мәнбәјә истинад лазымдыр
