Әһли Бејт -АБНА- хәбәр аҝентлијинин вердији хәбәрә әсасән: Түркијәнин Баш назири Рәҹәб Тајјиб Әрдоған нөвбәти дәфә өлкәсинин Ермәнистанла мүнасибәтиндән данышыб. Назир Гарабағ проблеми һәлл едилмәдән Ермәнистанла мүнасибәтләрин нормаллашмасынын мүмкүн олмадығыны билдириб. Бу сөзләри о һаким партија олан Әдаләт вә Инкишаф Партијасынын Иғдырын бәләдијјә мејданында кечирилән ачыг һава топлантысында дејиб.
Нахчывана јолун тамамландығыны вә тезликлә истифадәјә вериләҹәјини хатырладан Әрдоған "Гарабағ бизим мәсәләмиздир, Нахчыван бизим мәсәләмиздир" дејә, билдириб.
"Азәрбајҹанын севинҹи бизим севинҹимиз, кәдәри кәдәримиздир. Бурада Иғдырдан бир даһа елан едирәм Гарабағ проблеми һәлл едилмәдән Ермәнистанла мүнасибәтләримизин јолуна ҝирмәси мүмкүн дејил. Јарандығы ҝүндән бәзи Азәрбајҹанын, Гарабағын архасында олмушуг. Һәр заманда архаларында дајанмаға давам едәҹәјик. Бу мәсәләдә һеч ким биздән башга бир јанашма ҝөзләмәсин. Буну ермәни вә ермәни јөнлү милләтвәкилләри дә сорушублар. Онларада ҝәрәкли ҹаваб верилиб".
Диггәт: Хәбәрдән истифадә етдикдә мәнбәјә истинад лазымдыр
