Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Медиа Мәркәзиндә “Мүстәгил мәһкәмә системинин јохлуғу – Азәрбајҹанда сијаси мәһбус вә виҹдан дустагларынын сајынын артмасы әсасыдыр” мөвзусунда кечирилән конфрансда чыхыш едән вәкил Анар Гасымов, Мөвсүм Сәмәдовун иши үзрә истинтаг ҝедишатындан наразы олдуғу билдирди. "Биз бу ҝүнә кими бир нечә вәсадәт галдырмышыг. Лакин һеч бир шикајәт вә вәсатәтимиз тәмин олунмајыб. Мөвсүм Сәмәдов һәбс олундуғу илк ҝүндән һүгуглары позулур. Белә ки, инзибати ҹәза верилән Азәрбајҹан Ислам Партијасынын сәдри Бинәгәди рајон тәҹридханасында сахаланмалы олдуғу һалда, ону Мүтәшәккил Ҹинајәткарлыгла Мүбаризә Идарәсинә апарараг ганунсуз олараг диндирибләр. Артиг биз Азәрбајҹан мәһкәмәләриндән һеч нә ҝөзләмирик. Чүнки һәр шеј дөвләтин өз әлиндәдир. Бундан сонра үмидимиз Авропа мәһкәмәсинәдир. Сонунҹу дәфә експертизанын рәјинә ујғун олараг, Мөвсүм Сәмәдовун чыхышы һакимијјәти чеврилиш характерли чыхыш кими тәсдигләниб. Ҝәрәк бу мәсәләјә бүтүн һүгуг мүдафиәчиләри дәстәк версин. Сабаһ белә бир һал һамымызын башына ҝәлә биләр. Мөвсүм Сәмәдов өз сөз азадлығындан истифадә едәрәк бу чыхыш едиб. Әҝәр бу чыхыша һәбс дүшүрсә онда ҝәрәк, сабаһ күчәләрдә истефа гышгыран һәр бир кәс, һакимијјәтә чеврилиш ҹәһди илә һәбс олунсун"-дејә АИП сәдринин вәкили Анар Гасымов әлавә едиб.
Гејд едәк ки, артыг бу ҝүн Мөвсүм Сәмәдовун нөвбәти мәһкәмә просесинин кечирилдијини дејән Анар Гасымов, галдырдыглары вәсадәтин тәмин олунмадығыны дејиб. Бу дәфә ки, вәсатәт Мөвсүм Сәмәдовун артырылмыш 3 ајлыг һәбс гәти-имкан тәдбиринин ев дустаглығы илә әвәз олунмасы олуб.
Диггәт: Хәбәрдән истифадә етдикдә мәнбәјә истинад лазымдыр
