Әһли Бејт -АБНА- хәбәр аҝентлијинин вердији хәбәрә әсасән: Сумгајытдакы 33 сајлы орта мәктәбин 1-ҹи синиф шаҝирди Сејјидә Севинҹ Әһмәдова мартын 31-дән тәһсилдән кәнарда галыб.
Сејјидә Севинҹ Әһмәдова мүхалиф Иҹтимаи Палатанын үзвү Сејјид Ибраһим Әһмәдзадәнин гызыдыр. 1-ҹи синиф шаҝирдини мәктәбдән онун атасы һәбс едилдији ҝүндән мәктәбдән кәнарлашдырыблар.
Мүхалифәтин етираз аксијаларында фәаллыг ҝөстәрән Сејјид Ибраһим Әһмәдзадә 2 апрел митинги әрәфәсиндә, мартын 31-дә тутулуб Сумгајыт Шәһәр Мәһкәмәсинин гәрары илә 7 сутка мүддәтинә инзибати һәбс ҹәзасына мәһкум едилмишди.
Сејјидә Севинҹ Әһмәдованын мәктәбдән кәнарлашдырылмасыны 33 сајлы орта мәктәбин рәһбәрлији онун дәрсә һиҹабла ҝәлмәси, валидејнләри исә өзләринин мүхалиф мөвгеји илә әлагәләндирирләр.
Мәктәбин тәдрис һиссә мүдири Маһирә ханым апрелин 21-дә “Медиа форум” сајтына кобуд шәкилдә Тәһсил Назирлијинин вә орта мәктәбин низамнамәсини позараг шәхси истәји кими гануну тәһриф едәрәк дејиб ки, Тәһсил Назирлији шаҝирдләрин дәрсә һиҹабла ҝәлмәсинә јасаг гојуб, Сејјидә Севинҹин валидејнләри исә назирлијин бу гәрарына әмәл етмәјәрәк өвладларынын тәһсилиндә сүни проблем јарадыб: “Тәһсил Назирлијинин вә орта мәктәбин низамнамәсиндә мәктәбдә һиҹаба гадаға чох ајдын шәкилдә гејд олунуб. Бу гәрар һәр кәсә аиддир, валидејнин мүхалифәтчи вә ја игтидар нүмајәндәси олмасы нә Тәһсил Назирлијини, нә дә мәктәби марагландырыр. Бизи марагландыран шаҝирдин тәһсилидир. Сејјидә Севинҹин валидејнләри исә онун ҝәләҹәјини мәһв етмәкдә давам едир, ушағын башыны бағлајараг евдә сахлајырлар вә буну мәтбуата сијаси тәзјиг кими тәгдим едирләр.
Маһирә ханым сыртыгҹасына ушағын һүгугуну тапдалајараг дөвләти ушағын өз истәји илә башыны бағламаг истәмәсинә гадаға гојмасыны, ушағын һүгугуну тапдаламаг кими дәјәрләндирмәјәрәк, лакин ушағын валидејнләринин өз ушагларынын истәјләрини һәјата кечиртмәләрини исә гызларынын һаггыны позмасы кими өнә чәкәрәк демишдир: Өзләри дә чох јахшы билирләр ки, биз һәмин шаҝирдин диҝәр бүтүн шаҝирдләр кими һиҹабсыз мәктәбә ҝәлмәсини, мүәјјән савада јијәләндикдән сонра јалныз өз истәји илә башыны бағламасыны истәјирик. Бу онларын гызынын һаггыдыр вә бу һаггы валидејнләри белә ондан ала билмәз. Нечә дәфә онун валидејнләри илә данышыб изаһ етмәк истәдик ки, гызлары 7 јашлы көрпә ушагдыр, онун башы бағлана билмәз. Билирсиниз, онларын евинә ҝедән мүәллимә дејир ки, 4 јашлы гыз өвладларынын да башыны бағлајыблар.
Һеч Иран Ислам Республикасында бу һала раст ҝәлинмир. Бу валидејн биздән нә истәјир? Өз өвладларынын ҝәләҹәјинә аҹысынлар, ушағын ҝәләҹәји илә белә ојнамаг олмаз. Гыз һиҹабыны ачараг мәктәбдә тәһсилини давам етдирә биләр”.
Диггәт: Хәбәрдән истифадә етдикдә мәнбәјә истинад лазымдыр
