Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын (АИП) һәбс олунмуш лидери Мөвсүм Сәмәдовун 2011-ҹи ил јанварын 2-дә Баш Мәҹлисиндә етдији чыхышыла бағлы експертиза рәји ачыгланыб. Бу барәдә АИП сәдринин Вәкили Анар Гасымов мәлумат вериб. Онун сөзләринә ҝөрә, лингвистик експертиза Мөвсүм Сәмәдовун чыхышында һакимијјәтин зорла әлә кечирилмәсинә чағырышларын олдуғуну ачыглајыб. "Мөвсүм Сәмәдовун иши илә бағлы мәһкәмә лингвистик експертизасынын рәји ачыгланыб. Рәјдә Мөвсүм Сәмәдовун Азәрбајҹан Ислам Партијасынын Баш Мәҹлсиндәки етдији чыхыш, һакимијјәти зорла әлә кечирмәк кими характеризә олунуб. Рәји експерт Һүмбәт Вәлијев имзалајыб. Артыг алтернатив лингвистик експертизанын кечирилмәси үчүн вәсатәт галдырмишам. Истинтаг групунун рәһбәри һәлә бу вәсатәтимә мүнасибәт билдирмәјиб”-дејә вәкил әлавә едиб.
Гејд едәк ки, лингвистик експертизасынын рәјинин бу формада ачыгланмасы бир даһа Мөвсүм Сәмәдовун ҝүнаһсызлығыны сүбут етди. Она ҝөрә ки, Һаҹы Мөвсүм Сәмәдов 2011-ҹи ил јанварын 2-дә Ислам Партијасынын Баш Мәҹлисиндә етдији чыхышда бир ислами вә сијаси партија сәдри кими мәһз фактлара әсасланараг өлкәдә баш алмыш ганунсузлуға, коррупсијаја, мәмур өзбашыналыгларына вә.с кими һагсызлыглара өз етиразыны билдирмиш вә конистутсијаја ујғун олараг дөвләтдә ислаһатлашманын апарылмасы наминә халгы бу хејир ишдә бир олмаға дәвәт етмишдир. Мәһз Доктор Мөвсум Сәмәдовун 2011-ҹи ил јанварын 2-дә Ислам Партијасынын Баш Мәҹлисиндә тарихи чыхышындан сонра Азәрбајҹан дөвләти коррупсијаја гаршы хүсуси компанија јарадараг өлкәдәки хауса сон гојмаг гәрарын вермишдир.
Диггәт: Хәбәрдән истифадә етдикдә мәнбәјә истинад лазымдыр
