Әһли Бејт -АБНА- хәбәр аҝентлијинин вердији хәбәрә әсасән:
Пакистанда сабиг президент Пәрвиз Мүшәррәфин ады кечмиш баш назир Бәназир Бһуттонун гәтлинә даир ҹинајәт ишиндә тәгсирләндирилән шәхс кими кечир. О, февралын 19-да мәһкәмәјә ҝәлмәлидир. Һәбс гәрары верилән мәһкәмә иҹласында чыхыш едән прокурор билдириб ки, истинтаг нәтиҹәсиндә П. Мүшәррәфин Бһуттонун гәтлиндә әли олдуғу мүәјјәнләшиб. О, суи-гәсди 2 полис вә террорчуларла бирликдә планлашдырыб.
Гејд едәк ки, П. Мүшәррәф һазырда Лондондадыр вә өлкәсинә дөнмәјә һазырлашмыр.
Б. Бһутто П. Мүшәррәфин президентлији дөврүндә - 2007-ҹи ил декабрын 27-дә, парламент сечкиләринә ики һәфтә галмыш өлдүрүлүб. Һакимијјәт бу ҹинајәтә ҝөрә “Талибан”ын јерли ганадыны ҝүнаһландырса да, Б. Бһуттонун тәрәфдарлары суи-гәсддә хүсуси хидмәт органларыны иттиһам едибләр. 2008-ҹи илдә Б. Бһуттонун һәјат јолдашы Асиф Әли Зәрдари президент сечилиб.
Франҹе-Прессе
Диггәт: Хәбәрдән истифадә етдикдә мәбәјә истинад лазымдыр
