Президент Администрасијасынын (ПА) рәһбәри Рамиз Меһдијев Коррупсијаја гаршы Мүбаризә Комиссијасынын иҹласыны кечирәндән сонра дөвләт гурумларында коллеҝија иҹласларына старт верилиб. Һәр ҝүн бир назир коллеҝија иҹласы кечирәрәк ишчиләри асыб-кәсир, бир нечә нәфәри ишдән говур. Һәтта коллеҝија иҹласларынын нәтиҹәси олараг мәсулијјәтә ҹәлб олунанлар да вар. Артыг бүтүн назирләр “ислаһат шоусу”нун еффектли алынмасы үчүн ҝәрәкән аддымлары атыблар. Јалныз бир назир Рамиз Меһдијевин мүәллифлији илә ҹәмијјәтә нүмајиш етдирилән шоуда иштирак етмәјиб.
Бу, фөвгәладә һаллар назири Кәмаләддин Һејдәровдур. “Фөвгәлназир”ин шоуја гатылмамасынын бир нечә сәбәби ола биләр. Биринҹи сәбәб Кәмаләддин Һејдәровла Рамиз Меһдијев арасында мүнасибәтләрин гаршыдурма сәвијјәсиндә олмасыдыр. Һакимијјәтдә кифајәт гәдәр ҝүҹә малик олан вә өлкәнин “икинҹи президенти” статусунда танынан Кәмаләддин Һејдәров идарәетмәдә Рамиз Меһдијевин сөз саһиби олмасыны һеч бир һалда гәбул етмир. Ејни заманда һакимијјәтин сијаси хәттини мүәјјәнләшдирән академик “фөвгәлназир”ин өзүнү икинҹи шәхс кими апармасыны һәзм етмәк нијјәтиндә дејил. Ҝөрүнүр, “фөвгәлназир” һесаб едиб ки, коллеҝија иҹласы кечирмәклә ҹәмијјәтдә онун да Рамиз Меһдијевин лидерлијини гәбул етмәси барәдә рәј формалаша биләр. Она ҝөрә дә ПА рәһбәринин “ислаһат шоусу”нда иштирак етмәк истәмәјиб.
Башга бир сәбәб исә о ола биләр ки, Кәмаләддин Һејдәров бүтүн бунларын шоу олдуғуну билдијиндән коллеҝија иҹласына еһтијаҹ ҝөрмәјиб.
