Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Авропа Шурасынын инсан һаглары үзрә комиссары Томас Һаммарберг Ирәвана ҝәлиб. Гурум нүмајәндәси 18-21 јанвар тарихләриндә давам едәҹәк сәфәр чәрчивәсиндә һакимијјәт вә мүхалифәт, еләҹә дә вәтәндаш ҹәмијјәтинин нүмајәндәләри илә ҝөрүшләр кечирәҹәк.
Томас Һаммарбергин сәфәри илә әлагәдар Ермәнистанын сијаси мәһбуслар үзрә Комитәси “Ермәнистан Мариотт” меһманханасынын гаршысында пикет кечирир. Нүмајишчиләр һәбсдә олан мүхалифәтчиләрин азад едилмәсини тәләб едирләр. Аксијада Комитә үзвләриндән башга, Ермәни Милли Конгресинин нүмајәндәләри дә иштирак едир.
Гејд едәк ки, пикетә јүзләрлә инсан гатылыб. Нүмајишчиләр әлләриндә сијаси мәһбусларн шәкилләри олан плакатлар тутублар. Мәлумата ҝөрә, Ермәнистан вахты илә саат 20.00-да Авропа Шурасынын инсан һаглары үзрә комиссары Томас Һаммарберг “1 Март” һадисәләринин гурбанларынын јахынларыны гәбул едәҹәк.
Хатырладаг ки, бир мүддәт бундан өнҹә һәлак оланларын јахынлары АШ-нын Ирәвандакы офисинә мәктуб тәгдим едәрәк, онунла ҝөрүшмәк арзусунда олдугларыны билдирибләр.
Диггәт: Хәбәрдән истифадә етдикдә мәнбәјә истинад лазымдыр
