Әһли Бејт -АБНА- хәбәр аҝентлијинин вердији хәбәрә әсасән: Вәлијји Фәгиһин Әрдәбил вилајәтиндәки нүмајәндәси Азәрбајҹан Республикасындакы анти-һиҹаб сијасәтләрини тәнгид едиб
Һөҹҹәтүлислам Сејид Һәсән Амили Әрдәбилин буҝүнкү ҹүмә намазы хүтбәләриндә дејиб: Әһалиси шиә олан бир өлкәдә елә бир һалда ислам символларына һүҹум етмәк вә онунла мүбаризә апармаг сијасәти јүрүдүлүр ки, јәһудиләр, христианлар вә диҝәр фиргәләр өз мәзһәби символларыны әзизләјирләр вә бу имкан онлара јарадылыр. Лакин исламын әсас символу һиҹабла сәрт давранылыр.
"Әһалиси шиә олан бу өлкәдә азлыг тәшкил едән јәһудиләр үчүн ән бөјүк мәктәб вә мәзһәби мәкан инша олунур, бу, толерантлыг вә демократија кими гејд олунур, јәһудиләрин рәһбәри медалла тәлтиф олунур. Лакин һиҹаблы мәктәблиләрин мәктәбләрә ҝетмәсинин гаршысы алыныр" –дејә Амили гејд едиб.
Әрдәбилин имам ҹүмәси дејиб: Тәәссүфләндириҹидир ки, бәзи азәри рәсмиләр ислами һиҹабла мүбаризәни инкишаф үчүн сәј кими гејд едир вә һиҹабы ҝеридә галманын сәбәби вә ҝеријә һәрәкәт кими һесаб едирләр.
"Онлар Авропа вә Американын далынҹа ҝетмәји фәхр едирләр. Бу елә бир һалдадыр ки, дүнјанын азад халглары вә мүсәлманлар онларын дүшүндүкләри јолун әксинә олараг АБШ вә империализмә гаршы өз һәрәкәтләрини мөһкәмләндирирләр" –дејә Әрдәбилин имам ҹүмәси билдириб.
Амили азәри рәсмиләрә хәбәрдарлыг едиб ки, сионистләр Азәрбајҹан Республикасында иҹтимаи бөһранлар јаратмаг үчүн тәһлүкәли фитнә вә план ҹызыблар.
Амилинин сөзләринә ҝөрә, сионистләр бир тәрәфдән Иран вә Азәрбајҹан Республикасы арасында ихтилаф јаратмаг, диҝәр тәрәфдән исә Азәрбајҹан Республикасынын үмуми фикрини ермәниләр тәрәфиндән ишғал олунмуш Дағлыг Гарабағ мәсәләсиндә диҝәр мәсәләләрә тәрәф јөнләндирмәјә чалышырлар.
"Биз Азәрбајҹан Республикасы вә онун мүсәлман вә шиә халгыны севирик вә сөјләдијимизин һамысы бу мүсәлман өлкәсинин мәсләһәтинә ујғундур" –дејә Әрдәбилин имам ҹүмәси сөзләринә сон вериб.
Диггәт: Хәбәрдән истифадә етдикдә мәнбәјә истинад лазымдыр
