Әһли Бејт -АБНА- хәбәр аҝентлијинин вердији хәбәрә әсасән: 28-и декабырда Ағыр Ҹинајәтләрә Даир Ишләр үзрә Мәһкәмәдә Бакыда ҹинси азлыглары гәтлә јетирмәкдә тәгсирләндирилән Заур Мурадов, Гәһрәман Ағајев вә Мәгсәд Һәсәнгулијевин ҹинајәт иши үзрә мәһкәмә просесинин һазырлыг иҹласы кечирилиб. Просесдә мәһкәмә бахышынын вахты јанварын 7-нә тәјин олунуб.
Гејд едәк ки, 11 август 2010-ҹу ил тарихдә Бакы шәһәри, Јасамал рајону, Һүсејн Ҹавид проспекти, 546-ҹы мәһәллә, ев 28, мәнзил 194-дә үзәрләриндә кәсиҹи-дешиҹи аләтлә јетирилмәјә характерик чохсајлы хәсарәтләри олан ики намәлум киши мејити ашкар едилиб. Фактла бағлы Азәрбајҹан Республикасы Ҹинајәт Мәҹәлләсинин 120.2.7-ҹи маддәси илә ҹинајәт иши башланыб вә иш үзрә мүвафиг експертизалар тәјин едилиб. Апарылан илкин арашдырмаларла өлдүрүләнләрин Гасымов Замиг Гасым оғлу вә Кузмин Јадиҝар Елдар оғлу олмалары мүәјјәнләшиб. Онларын ҹинси азлыгларын нүмајәндәләри олдуғу билдирилир.
Бакы шәһәр прокурорлуғу вә Дахили Ишләр Назирлијинин Баш Ҹинајәт Ахтарыш Идарәси, Бакы шәһәр Баш Полис Идарәсинин Ҹинајәт Ахтарыш Идарәси вә Јасамал рајон Полис Идарәсинин Ҹинајәт Ахтарыш Шөбәси әмәкдашларынын бирҝә кечирдикләри тәхирәсалынмаз истинтаг һәрәкәтләри вә әмәлијјат-ахтарыш тәдбирләри нәтиҹәсиндә гыса мүддәт әрзиндә ҹинајәти төрәтмәкдә шүбһәли билинән Кешлә гәсәбә сакинләри - 1989-ҹу ил тәвәллүдлү Гәһрәман Ағајев, 1990-ҹы ил тәвәллүдлү Мәгсәд Һәсәнгулијев вә 1991-ҹи ил тәвәллүдлү Заур Мурадов тутулараг истинтага тәгдим олунублар. Диндирмә заманы һәр үч шәхс төрәтдикләри ҹинајәт әмәлини етираф едәрәк З.Гасымов вә Ј.Кузмини тамаһ мәгсәди илә гәсдән өлдүрдүкләрини вә сонунҹулара мәхсус дөрд әдәд мобил телефон апараты, бир әдәд ноутбук компүтерини вә ҹинајәтин аләти кими истифадә етдикләри ики әдәд бычағы истинтага тәгдим едибләр.
Диггәт: Хәбәрдән истифадә етдикдә мәнбәјә истинад лазымдыр
