Минҝәчевир шәһәр сакини, 1986-ҹы ил тәвәллүдлү Јолчујев Ҹавид Халид оғлу 60-БЖ-012 дөвләт нөмрә нишанлы “ВАЗ 21012” маркалы миник автомобили илә һәрәкәтдә оларкән идарәетмәни итириб вә јолдан чыхараг дәрәјә јуварланыб. Һадисә нәтиҹәсиндә сүрүҹү Ҹавид Јолчујев мүхтәлиф дәрәҹәли ағыр бәдән хәсарәтләри илә Ағсу Мәркәзи Рајон Хәстәханасына јерләшдирилиб. Машында олан сәрнишин, 1987-ҹи ил тәвәллүдлү Мустафајев Вүсал Нојабр оғлу исә һадисә јериндә дүнјасыны дәјишиб. Ағсу рајон Дөвләт Јанғындан Мүһафизә Һиссәсинин хиласедиҹиләри дәрһал һадисә јеринә ҹәлб олунуб. Автомобил, өлән сәрнишин вә јаралы сүрүҹү дәрәдән чыхарылыб. Фактла бағлы Баш Дөвләт Јол Полиси Идарәсинин истинтаг вә тәһгигат шөбәси тәрәфиндән ҹинајәт иши башланыб, арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр.
