Бакы полиси һиҹабы мүдафиә мәгсәди илә кечирилән динҹ аксијада һәбс едилән бәзи шәхсләрә тәзјиг ҝөстәрмәк јолу илә онларын вәһһаби олдугларыны етираф етмәјә мәҹбур едир. Һалбуки, аксија иштиракчыларынын әсас шүарларындан бири "Ја Һүсејн" олуб.
Полис тәрәфиндән һәбс едиләнләрдән биринин гардашы адынын чәкилмәмәси шәрти илә дејиб: Полис гардашымдан саггал сахладығы үчүн вәһһаби олдуғуну етираф етмәсини истәјиб.
Азәрбајҹан Республикасында әлагәдар һөкумәт органларынын лагејд јанашмалары вә бәзи һалларда һәтта һимајә етмәләри нәтиҹәсиндә бу өлкәдә вәһһабиләр там сәрбәст фәалијјәт ҝөстәрирләр. Һәгиги исламчылар исә вәһһаби ады илә тәзјигләрлә үзләшир вә һәбс едилирләр.
2001-ҹи илдә Азәрбајҹан Республикасынын екс президенти Һејдәр Әлијев вәһһабиләри өлкәнин милли тәһлүкәсизлији үчүн тәһлүкә адландырды. О замандан бәри Азәрбајҹан Республикасынын тәһлүкәсизлик органлары вәһһабиликлә мүбаризә апармаг јеринә, вәһһаби ады алтында һәгиги исламчылара гаршы тәзјигләри артырмышдылар.
Ҹүмә ҝүнү Азәрбајҹан Республикасынын пајтахты Бакы шәһәриндә минләрлә вәтәндаш Тәһсил Назирлијинин бинасы гаршысында "Һиҹаба азадлыг" вә "Ја Һүсејн" шүары илә митинг кечирәрәк, һиҹаба гаршы тәтбиг едилән гадағанын ләғвини истәди. Лакин Бакы полиси өз гануни һаггыны тәләб едән динҹ сакинләрә гаршы зор тәтбиг едәрәк, резин дәјәнәкләр вә ҝөзјашардыҹы газларла онлара һүҹум етдиләр.
"Һиҹаба азадлыг" шүары илә кечирилән митингдә полис зоракылығы онларла нәфәрин јараланмасына вә 11 нәфәрин һәбс едилмәсинә сәбәб олду.
Халга гаршы полис зоракылығы мүхтәлиф реаксијаларла үзләшиб. Иҹтимаи вә исламчы даирәләрин бу мәсәләни тәнгид етдикләри һалда, Гәрбдәки инсан һаглары мүдафиәчиләри һәлә дә сусурлар.
Диггәт: Хәбәрдән истифадә етдикдә мәнбәјә истинад лазымдыр.
