Әһли Бејт -АБНА- хәбәр аҝентлијинин вердији хәбәрә әсасән: Чәршәнбә ахшамы ҝүнү 30 нојабр јерли вә хариҹи журналистләрә вердији ачыгламасында бу мәгама тохунан ИИР Хариҹи Ишләр Назирлијинин мәтбуат катиби сон террор актыны писләјәрәк дејиб: Бу террор акты Гәрб дөвләтләринин терроризмә дәстәк вермәмәси илә бағлы иддиасынын јалан вә әссасыз олдуғунун ҝөстәриҹисидир.
Рамин Меһманпәрәст вурғулајыб: Террорчу груплашмаларын һимајә вә Гәрб мәканындакы өлкәләрдә онлара сығынаҹағын верилмәси ән бөјүк зиддијјәт тәшкил едән мәгамдыр. Үмуми мәфкурә буну һәмин иддиачы өлкәләрин рәфтарында ҝөрүрләр.
Мүһманпәрәст мәтбуат конфрансынын диҝәр һиссәсиндә һәмчинин Иранын Алтылар групу илә мүзакирәсинин мәканы вә форматына да мүнасибәт билдириб. Онун сөзләринә ҝөрә ИИР вә 5+1 групуна үзв өлкәләрин мүзакирәчи һејәтләри тәмасда олуб мәсләһәтләшмәләр апармагдадыр. Анҹаг разылашмалар һагда дәгиг мәлумат јохдур.
ИИР һөкумәт рәсмиси еләҹә дә ҝәлән һәфтә Бәһрејндә кечирилмәли олан Манаманын тәһлүкәсизлик мүзакирәләринин 6-ҹы туру барәдә дә гејд едиб: Теһран реҝион өлкәләринин иштиракы әсасында әмин-аманлығын бәргәрар едилмәсинә зәманәт верә биләҹәк һәр һансы бир аддым вә тәдбири мүсбәт гаршылајыр вә әмәкдашлыг едир.
ИИР Хариҹи Ишләр Назирлијинин рәсми нүмајәндәси Wикилеакс сајтынын ифша етдији мәлуматлары һагда да өз фикирләрини ачыглајыб."Гәрб дөвләтләри инсан һагларыны һимајә етмәкдән дәм вурурлар.Ики профессора гаршы төрәдилмиш суи-гәсд инсан һагларындан дәм вуран Гәрб дөвләтләри мәсулијјәт дашыјыр."
Меһманпәрәст дејиб: Бу сәнәдләрин ифша едилмәси чох гаранлыг вә мүәммалы аддым олса да ,Гәрб дөвләтләри вә америкалылар тәрәфиндән төрәдилән бәзи тәҹавүзләр сәнәдләрдә дүзҝүн гејд олуб вә јер алыб.
ИИР Хариҹи Ишләр Назирлијинин рәсми нүмајәндәси вурғулајыб: Wикилеакс тәрәфиндән ифша олунан сәнәдләр сионист режим вә бу гејри-леҝитим режимин гәрбли тәрәфдарларынын марагларынын тәмини истигамәтиндәдир вә реҝион өлкәләри бу тәләјә дүшмәмәк үчүн ајыг-сајыг олмалыдырлар.
Диггәт: Хәбәрдән истифадә етдикдә мәнбәјә истинад лазымдыр
