Әһли Бејт -АБНА- хәбәр аҝентлијинин вердији хәбәрә әсасән: Рио-де-Жанејрода һүгуг-мүһафизә органлары вә гулдурларын гаршыдурмасы нәтиҹәсиндә өләнләрин сајы 34-ә чатыб. Бу барәдә јерли полис мәлумат вериб.
Полисләр шәһәрин шималындакы «Вила Крузејру» фавеллалар (харабалыглар, касыб мәһәлләләр, ҝеҹәгондулар) комплексини өлкә тарихиндә илк дәфә олараг әлә кечирә билибләр. Бура әнәнәви олараг наркотик алверчиләринин галасы сајылыр.
Мүнагишә нәтиҹәсиндә 5 нәфәр, о ҹүмләдән, Рејтер аҝентлијинин фотографы, Бразилија ордусунун әсҝәри, јашлы гадын вә 3 јашлы ушаг јараланыблар.
Артыг полисләрә ордунун һәрби-десант бригадасынын 800 әсҝәри дә гошулуб. Һөкумәт 2014-ҹү илдә кечириләҹәк дүнја чемпионаты өнҹәси шәһәрдә криминоҝен дурума нәзарәти әлә алмаг фикриндәдир.
Диггәт: Хәбәрдән истифадә етдикдә мәнбәјә истинад лазымдыр
