Әһли Бејт -АБНА- хәбәр аҝентлијинин вердији хәбәрә әсасән: Һәмас Фәләстин халг ҹәһбәсинин лидерләриндән бири Мәһмуд Әззәһра ачыг бәјан етди: Әҝәр Исраил режими бир даһа Гәззә золағына һүҹум едәрсә мүтләг бунун мүгабилиндә ағыр зәрбәләрә мәруз галаҹаг вә өз чиркин мәгсәдинә чатмајаҹагдыр.
О, билдирди: Исраил режими Гәззә золағына һүҹум етмәздән өнҹә ҝәрәк мүтләг бу плани 1000 дәфә өлчүб бир дәфә бичсин.
Хатырладаг ки, Һәмас Фәләстин халг ҹәһбәси 2007-ҹи илдә демократик сечкиләр васитәси илә халгын рәғбәтини газанараг Гәззә золагынын идарәчилијини өһтәсинә алмышдыр. Бу ҝедишатдан разы галмајан Исраил режими 2008-ҹи илин ахырларында 3 һәфтә мүддәтиндә Гәззә золагын һава вә јердән ән мүасир ағыр силаһларла одлу атәшләрә тутараг 1400 дән артыг ҝүнаһсыз Фәләстинли гадын вә ушагларын һәјатына сон гојмушдур.
Гејд едәк ки, Исраил режими 3 илдир Гәззә золагыны игтисади вә һәрби мүһасирәдә сахлајыр һәтта Гәззәјә ҝөндәрилән илкин тибби јардымда лазым олан тибб вәсаитләринин вә јејинти мәһсулларынын гаршысыны кәсир. Бир милијон бешјүздән артыг әһалиси олан Гәззә әһалиси бу саат чох аҹынаҹаглы вәзијјәтдә јашајырлар.
Диггәт: Хәбәрдән истифадә етдикдә мәнбәјә истинад лазымдыр
