Әһл Бејт-АБНА-хәбәр аҝентлијинә верилән хәбәрә әсасән “Азәрбајҹан вә Ермәнистан президентләринин Санкт-Петербург ҝөрүшүндә илк нөвбәдә ишғал алтында олан Кәлбәҹәр вә Лачын рајонларынын гајтарылмасы мүддәти илә бағлы мәсәлә мүзакирә олунуб. Ермәнистан тәрәфи вахтилә Кәлбәҹәр вә Лачынын гајтарылмасы үчүн 10 ил, Азәрбајҹан тәрәфи 1 ил вахт тәләб едирди. Биз 5 ил әрзиндә бу рајонларын Азәрбајҹанын тәркибинә гајытмасына разылыг вермишик. Амма Ермәнистан бу мәсәләләри јенидән мүзакирәјә чыхарыб”. АПА-нын мәлуматына ҝөрә бу сөзләри Азәрбајҹанын хариҹи ишләр назири Елмар Мәммәдјаров бу ҝүн кечирдији мәтбуат конфрансында дејиб. Назир билдириб ки, Русија тәрәфи бәзи тәклифләр ирәли сүрүб вә бу тәклифләр Санкт-Петербург ҝөрүшүндә мүзакирә олунуб: “Бунлар тәклифдир вә бу мүддәтдә чох тәклифләр олуб. Русија тәрәфи истәјир ки, низамланма просесиндә бәзи ирәлиләјишләр олсун вә она ҝөрә бу тәклифләри верир. Амма Азәрбајҹан үчүн дә чәтиндир. Биз елә фикирләширдик ки, артыг разылыға ҝәлмишик, мәсәлә һәлл олунуб. Дедијимиз 5 ил мүддәти Мадрид принсипләриндә дә әкс олунмушду. Амма мәсәлә Ермәнистанын мөвгејинә ҝөрә узаныр вә Русија инди тәрәфләрин мөвгеләрини јахынлашдырмаға чалышыр. Бу истигамәтдә ишләмәк чәтиндир. Әҝәр һансыса мәсәләләрдә разылыға ҝәлириксә, сонракы просесдә һәмин мәсәләләр јенидән мүзакирә олунурса, просес кифајәт гәдәр чәтинләшир”.
Азәрбајҹан-Ермәнистан
Елмар Мәммәдјаров: “Биз Лачын вә Кәлбәҹәрин 5 ил әрзиндә Азәрбајҹанын тәркибинә гајтарылмасына разылыг вермишик, лакин Ермәниста
17 sentyabr 2010 - 19:30
Xəbər kodu: 195682
“Русија низамланма просесиндә бәзи ирәлиләјишләр олсун дејә мүәјјән тәклифләр вериб”
