Әһл Бејт-АБНА-хәбәр аҝентлијинин хәбәринә әсасән Русија Хариҹи Ишләр Назирлији БМТ Тәһлүкәсизлик Шурасында Ирана санксијалары нәзәрдә тутан гәтнамә илә бағлы бәјанат јајыб. Бәјанатда билдирилр ки, санксијалар Иранын гејри - һәрби саһәдә фәалијјәтини мәһдудлашдырмајаҹаг. БМТ Тәһлүкәсизлик Шурасында гәбул едилән 10 сәһифәлик сәнәдә әсасән, Иран Ислам Республикасынын хариҹдәки банкларынын нүвә вә ја ракет програмы илә әлагәси ашкарландыгда онларын фәалијјәтинә дә санксијалар тәтбиг олунаҹаг. Експертләр һесаб едир ки, јени санксијалар 40 ширкәт вә 40-дан чох јүксәк вәзифәли һөкумәт рәсмиләринин фәалијјәтини мәһдүдлашдыраҹаг. БМТ Тәһлүкәсизлик Шурасынын гәбул етдији јени санксијалардан сонра Русија Иранла һәрби техники әмәкдашлығы дајандырыб. Москва бу аддымыны БМТ Тәһлүкәсизлик Шурасынын јени гәтнамәси илә әсасландырыб. Русијанын Хариҹи Ишләр Назирлијинин јајдығы бәјанатда вурғуланыр ки, шәртләр БМТ низамнамәсинин 41 маддәсинә ујғундур вә ҝүҹ тәтбигини нәзәрдә тутмур. Јени санксијаларын гәбулунда мәгсәд Иран тәрәфинин атом енержиси үзрә бејнәхалг аҝентликлә әмәкдашлығыны ҝенишләндирмәк вә бу өлкәнин нүвә програмы илә бағлы проблемләрини һәлл етмәкдир. Гәтнамә Ирана бејнәлхалг бирликлә мүхтәлиф саһәләрдә әлагәләри ҝенишләндирмәк имканы да верир. Вашигтонда әминдирләр ки, кәскин санксијаларын тәтбиги Теһраны нүвә програмындан дашындыра биләр. Америка президенти Барак Обама билдириб ки, конструктив диалог үчүн гапылар Иранын үзүнә һәмишә ачыгдыр. Бу БМТ Тәһлүкәсизлик Шурасынын сон дөрд илдә Ирана гаршы гәбул етдији бешинҹи гәтнамәдир. Јени санкисајлар Исраил вә Јапонија тәрәфиндән дә алгышланыб. Исраилин баш назири Бенјамин Нетанјаһу һесаб едир ки, бејнәлхалг иҹтимаијјәт Иранын нүвә програмына зәрбә ендирмәлидир. Јапонијанын хариҹи ишләр назири Катсуја Окада исә Теһраны нүвә програмы илә бағлы данышыглара чағырыб. Иран президенти Маһмуд Әһмәдинеҹатса БМТ–нин јени санксијаларыны мәнасыз адландырыб. Иранын «АЕБА»-дакы нүмајәндәси Әли Әсҝәр Солтанијә өлкәсинин нүвә програмындан имтина етмәјәҹәјини ачыглајыб.
