Әһл Бејт-АБНА-хәбәр аҝентлији Фактхебер-ин вердији хәбәрә әсасән, Түркијә илә Азәрбајҹан арасында узун мүддәтдир давам едән тәбии газла бағлы данышыгларда разылашма әлдә едилиб. Ики өлкә арасында 3 газ протоколу имзаланыб. Имзаланма мәрасиминдән сонра Түркијәнин енерҝетика вә тәбии сәрвәтләр назири Танер Јылдыз, Азәрбајҹан тәрәфиндән исә сәнајә вә енерҝетика назири Натиг Әлијев мәтбуата ачыглама верибләр.
Лакин журналистләрин исрарына бахмајараг, Түркијәнин енержи вә тәбии сәрвәтләр назири Танер Јылдыз Азәрбајҹандан газы нечәјә алаҹагларыны демәјиб: “Бунун ҝизли тәрәфләри вар. Бу гијмәт мәсәләсиндә разылыға ҝәлмишик. Мүзакирә етдијимиз икинҹи мәсәлә 2016 вә 2017-ҹи илләрдә фәалијјәтә башлајаҹаг “Шаһдәниз-2” јатағы илә бағлы олду. Билдијиниз
кими, бу лајиһәнин консорсиум үзвләри арасында бп, АРДНШ вә “Статоил” кими ширкәтләр вар. Газын һәм гијмәти, һәм дә мигдары илә бағлы разылыға ҝәлмишик. 2016-2017 вә 2018-ҹи илләрдән сонра өтүрүләҹәк газын мигдарыјла бағлы да разылыға ҝәлдирк”.
Назир билдириб ки, Түркијә Азәрбајҹан газыны Авропаја сатаҹаг. Онун сөзләринә ҝөрә, шәртләр әлверишли олса, Азәрбајҹана гијмәт фәрги өдәниләҹәк. Танер Јылдыз газын Түркијә әразисиндән транзит гијмәти мәсәләсиндә дә разылыға ҝәлиндијини вурғулајыб.
Азәрбајҹан Дөвләт Нефт Ширкәти дә Түркијәјә сатылаҹаг газын гијмәти барәдә ачыглама вермәјиб.
