Әһли-бејт (әлејһимус-сәлам) Бејнәлхалг Хәбәр Аҝентлији - АБНА: Ливан парламентиндә Мүгавимәтә Садиглик фраксијасынын үzvү Һәсән Фәзлуллах билдириб ки, Исраилин Ливан әразисинин бир һиссәсини ишғал алтында сахламасы сәбәбиндән бу өлкәнин мүстәгиллији һәлә дә там тәмин олунмајыб.
О гејд едиб: Хариҹи гүввәләрин һөкумәтин гәрарларына, сијасәтинин вә мөвгеләринин мүәјјәнләшдирилмәсинә мүдахиләси, еләҹә дә Ливан һөкумәтинә ливанлыларын марагларына зидд олан сечимләри гәбул етдирмәјә чалышмасы өлкә вәтәндашларынын мәнафеләринә, бирлијинә вә гаршылыглы анлашмасына зиддир вә јалныз һәмин өлкәләрин планларына хидмәт едир.
АБШ Ливаны дахилдән мәһв етмәјә чалышыр
Фәзлуллах Гәлавијјә гәсәбәсиндә мүгавимәтин Ибраһим вә Аббас Әлијан адлы ики шәһидинин аным мәрасиминдә чыхышы заманы билдириб: АБШ һөкумәти вә хариҹи өлкәләрин Ливандакы сәфирликләри һәр ҝүн бу өлкәнин әһалисини дахили гаршыдурмаја тәһрик едир, бәзи груплары диҝәр групларла тоггушмаја сөвг етмәјә вә өлкәни өз халгынын әли илә мәһв етмәјә чалышырлар. О әлавә едиб ки, АБШ һөкумәти диҝәр өлкәләрдә дә ејни аддымлары атыб.
Sizin rəyiniz