Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назирлијинин сөзчүсү, Америка вә сионист режимин тәҹавүзкар һәрәкәтләринә вә Минабдакы мәктәбин һәдәф алынараг онларла шаҝирдин өлүмүнә сәбәб олмасына тохунараг јазыб: "Бу, ашкар бир ҹинајәтдир. Дүнја бу бөјүк әдаләтсизлијә гаршы дајанмалыдыр. БМТ Тәһлүкәсизлик Шурасы низамнамәјә ујғун олараг өз әсас мәсулијјәтини јеринә јетирмәк үчүн дәрһал һәрәкәтә кечмәлидир."
Хариҹи Ишләр Назирлијинин сөзчүсү Исмајыл Бәгаји, "Х" сосиал шәбәкәсиндә Минабдакы мәктәбин һәдәф алынмасыны вә онларла шаҝирдин өлүмүнү әкс етдирән гыса бир видео пајлашараг јазыб:
"Америка вә Исраил, Иран шәһәрләрини мәгсәдсиз шәкилдә һәдәф алараг Ирана гаршы тәҹавүзкар вә әсассыз һәрәкәтләрә башлајыблар. Јалныз бир һалда, онлар Һөрмүзган вилајәтинин Минаб шәһәриндә бир ибтидаи мәктәби һәдәф алараг онларла ҝүнаһсыз ҝәнҹ гызы өлдүрүб вә јаралајыблар.
Бу, ашкар бир ҹинајәтдир. Дүнја бу бөјүк әдаләтсизлијә гаршы чыхмалыдыр... БМТ Тәһлүкәсизлик Шурасы низамнамәјә ујғун олараг өз әсас мәсулијјәтини јеринә јетирмәк үчүн дәрһал һәрәкәтə кечмәлидир.
Sizin rəyiniz