Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Президенти Мәсуд Пезешкиан АБШ президентинин јанвар ајы етиразлары заманы 32 мин нәфәрин гәтлә јетирилмәси илә бағлы сәсләндирдији иддиалары “әсассыз” адландырараг билдириб: Һөкумәт һәлак оланларын рәсми статистикасыны онларын милли идентификасија нөмрәләри әсасында ачыглајыб. Ким сајын бундан артыг олдуғуну иддиа едирсә, иддиасыны сәнәдлә тәгдим етсин.
Президент Мазандаран вилајәтинә сәфәринин икинҹи ҝүнү вилајәтин Планлашдырма вә Инкишаф Шурасынын иҹласында чыхышы заманы билдириб ки, бир чох өлкәләрдә полисә гаршы зоракылыг һаллары дәрһал вә сәрт реаксија илә гаршыланыр.
Иранда исә бәзи шәхсләр һүгуг-мүһафизә, тәһлүкәсизлик вә Бәсиҹ (Көнүллү) гүввәләринин әмәкдашларыны гәтлә јетирир вә ја иҹтимаи әмлакы јандырыр, даһа сонра исә Ираны терроризмдә иттиһам едирләр. Һалбуки биз өзүмүз террорун гурбаныјыг”, – дејә о вурғулајыб.
Президентин сөзләринә ҝөрә, һәлак оланларын 2 миндән чоху “шәһид” статусундадыр. Онлардан 300–400 нәфәри тәһлүкәсизлик гүввәләринин әмәкдашлары олуб вә өлкәнин тәһлүкәсизлијини мүдафиә едәркән һәјатыны итириб.
Sizin rəyiniz