Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын хариҹи ишләр назиринин һүгуги вә бејнәлхалг мәсәләләр үзрә мүавини Казым Гәрибабади там нүвә силаһсызлашдырылмасынын вә Нүвә Силаһларынын Јајылмамасы Мүгавиләсинин (НПТ) ајры-сечкилик олмадан иҹрасынын ваҹиблијини вурғулајараг билдириб ки, Исраил режиминин нүвә арсеналы Јахын Шәргин нүвә силаһларындан азад зонаја чеврилмәсинин гаршысында әсас манеәдир.
Гәрибабади Ҹеневрәдә Силаһсызланма Конфрансынын јүксәк сәвијјәли иҹласында Иран Ислам Республикасынын принсипиал мөвгеләрини изаһ едәрәк бејнәлхалг иҹтимаијјәтин еффектив чохтәрәфлилијә, реал силаһсызланмаја вә бејнәлхалг һүгуга гејд-шәртсиз һөрмәтә гајытмасынын зәрурилијини вурғулајыб.
Хариҹи ишләр назиринин мүавини Нүвә Силаһларынын Јајылмамасы Мүгавиләсини глобал јајылмама вә силаһсызланма системинин тәмәл дашы адландырараг билдириб: Иран Ислам Республикасы бу мүгавилә чәрчивәсиндә үзәринә ҝөтүрдүјү өһдәликләрә даим садиг галыб.
әлавә едиб ки, Иранын динҹ нүвә енержисиндән истифадә һүгугу бејнәлхалг һүгуг чәрчивәсиндә тәмин олунмуш, данышыгларын шәрти кими дајандырыла вә ја ләғв едилә билмәјән ајрылмаз һүгугдур.
Sizin rəyiniz