Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назирлијинин һүгуги вә бејнәлхалг мәсәләләр үзрә мүавини Казым Гәрибабади БМТ-нин Инсан Һүгуглары Шурасынын иҹласында чыхышы заманы билдириб: Иранла бағлы санксија вә мүһарибәни сынагдан кечирдиниз вә нәтиҹә әлдә етмәдиниз; инди дипломатија вә һөрмәти тәҹрүбә етмәјин вахтыдыр.
Гәрибабади базар ертәси БМТ Инсан Һүгуглары Шурасынын јүксәк сәвијјәли иҹласында дејиб: Өзләрини инсан һаглары мүдафиәчиси адландыранлар мүдафиәсиз Гәзза халгына гаршы сионист режимин төрәтдији вә 244 миндән чох инсанын һәлак олмасы вә јараланмасы илә нәтиҹәләнән вәһши ҹинајәтләр гаршысында бу режимә дәстәк вермәкдән вә бејнәлхалг, о ҹүмләдән инсан һүгуглары платформаларында она гаршы һәр һансы аддымын гаршысыны алмагдан башга нә едибләр?
О билдириб ки, тәәссүф ки, Инсан Һүгуглары Шурасы сахта инсан һаглары иддиачыларынын әлиндә аләтә чеврилиб вә бу өлкәләр үчүн инсан һүгуглары әһәмијјәт кәсб етмир.
О әлавә едиб ки, инсан һаглары иддиачыларынын сивилизасијалары һәлә формалашмамышдан әввәл Иран сивилизасија вә инсан һагларынын бешији олуб. Илк инсан һүгуглары сәнәди сајылан вә 25 әсрдән чох әввәл Иранда тәртиб олунан Куруш бәјаннамәси буна сүбутдур.
Sizin rəyiniz