Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назирлијинин сөзчүсү Исмајыл Бәгаи бу ҝүн һәфтәлик мәтбуат конфрансында Әфганыстан вә Пакистан арасындакы сон ҝәрҝинликдән нараһатлығыны ифадә етди вә ики гоншу өлкәмиз арасындакы мүнагишәдән нараһат олмаг һүгугумуз олдуғуну билдирди.
О, һәр ики өлкәнин мүсәлман вә гоншуларымыз олдуғуну вә араларындакы ҝәрҝинлијин јаранмасынын бу ики өлкәдән кәнарда да тәсир вә нәтиҹәләрә сәбәб олаҹағыны сөјләди.
Бәгаи Иранын даими мәсләһәтинин диалог, тәмкин вә фикир ајрылыгларыны дипломатија јолу илә һәлл етмәк сәјләри олдуғуну ајдынлашдырмаға давам етди.
Хариҹи Ишләр Назирлијинин сөзчүсү Иранын ҝәрҝинлији азалтмаға вә ҝәрҝинлијин артмасынын гаршысыны алмаг үчүн нәҹиб сәјләрдән (васитәчиликдән) истифадә етмәјә һазыр олдуғуну ачыгладығыны вурғулады.
О, гејд етди ки, Ислам Республикасы бир нечә ај әввәл Пакистан вә Әфганыстан арасында ҝәрҝинлик јарандыгда бу проблемләри һәлл етмәк үчүн сәјләр ҝөстәриб.
Бу ачыгламалар Пакистанын Әфганыстанын шәргиндәки әразиләрә (Нәнҝәрһар вә Пактика) сон һава һүҹумларындан сонра верилиб. Пакистанын иддиасына ҝөрә, бу һүҹумларда ән азы 70 Теһрик-е-Талибан Пакистан (ТТП) јараглысы өлдүрүлүб, лакин Талибан һөкумәти буну мүлки шәхсләрә һүҹум кими гијмәтләндириб вә ҹаваб верәҹәјинә сөз вериб.
Sizin rəyiniz