Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Канада Баш назири Марк Карни Канадада вә дүнјанын һәр јериндәки мүсәлман иҹмасына хүсуси Рамазан тәбрикләрини чатдырды.
"Бу ҝүн ҝүнәш батаркән Канадада вә дүнјанын һәр јериндәки мүсәлманлар хатирә вә дүшүнҹә ајы олан мүгәддәс Рамазан ајына башлајырлар", - дејә Карни ачыгламасында билдириб.
О әлавә едиб ки, бу мүгәддәс ајда аиләләр вә достлар евләрдә вә Мәсҹидләрдә топлашыр, дуа едир вә дүшүнүрләр, ҝүнәшин доғушундан ҝүн батмасына гәдәр узун бир оруҹдан сонра ҝүнләрини әнәнәви ифтарла баша вурурлар.
Карни Канадада бир чох мүсәлманын үзләшдији чәтинликләрә тохунараг, вурғулајыб: Исламофобија тәҹили диггәт тәләб едән ағрылы бир мәсәләдир. Бунун өнү алынмалыдыр.
О, нифрәтлә мүбаризәнин онун һөкумәти үчүн приоритет олдуғуну изаһ етди вә Исламофобијанын Канадада јери олмадығыны вурғулады.
О әлавә етди ки, “Канада дәјәрләринин мәркәзиндә һәр бир инсанын азадлыг, тәһлүкәсизлик вә ләјагәтли һәјат кими фундаментал һүгугу дајаныр – бу дәјәрләр мүзакирә олунмаздыр”.
Сөзүнүн сонунда Карни мүсәлманларын горху вә һәдәләрдән азад олуб, тәһлүкәсизлик вә гүрур ичиндә јашаја биләҹәји бир ҹәмијјәт гурмагда бир олмаға чағырды. О, һәмчинин һәр кәсә Канадада вә дүнјада бүтүн мүсәлманлар үчүн сүлһ вә әмин-аманлыгла долу динҹ вә бәрәкәтли Рамазан арзулады.
Sizin rəyiniz