Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: "Азадлыг" гезәтинин баш редактору Гәнимәт Зајыдов (Гәнимәт Заһид) вә Азәрбајҹан Халг Ҹәбһәси Партијасынын (АХҸП) сәдр мүавини Фуад Гәһрәманлы барәсиндә гијаби һәбс гәтимкан тәдбири сечилиб.
Бу барәдә Илһам Әлијевин Дөвләт Тәһлүкәсизлији Хидмәтинин јајдығы мәлуматда билдирилиб.
ДТХ-нин мәлуматында гејд едилиб ки, Гәнимәт Зајыдов 2013-ҹү илин әввәлиндән етибарән Әли Кәримлинин адындан хариҹи өлкәнин хүсуси хидмәт органларынын нүмајәндәләри илә ҝизли әлагәјә ҝирәрәк данышыглар апармыш, онун Азәрбајҹан Республикасында һакимијјәтә ҝәтирилмәсиндә хариҹи хүсуси хидмәт органларынын ҝениш тәшкилати вә хүсуси имканларындан истифадә едилмәси үчүн мүраҹиәт етмиш, гаршылығында Азәрбајҹанда хариҹи дөвләтин стратежи марагларынын тәмин едиләҹәјини конкрет деталлар садаламагла вәд етмиш, еләҹә дә тәрәфләр Әли Кәримли һакимијјәтә ҝәләҹәји тәгдирдә Азәрбајҹан Республикасынын мәрһәләли гајдада Коллектив Тәһлүкәсизлик Мүгавиләси Тәшкилатына там үзв олаҹағы барәдә разылашыблар.
Ејни заманда иттиһама әсасән, Әли Кәримли адычәкилән шәхсләрлә габагҹадан әлдә олунмуш үмуми разылашмаја ујғун гајдада ҹинајәт әмәлләрини давам етдирәрәк, Азәрбајҹанын Гарабағ бөлҝәсиндә Ермәнистанын апардығы тәҹавүзкар мүһарибәјә гаршы вә ордуја дәстәк үчүн Азәрбајҹан вәтәндашлары 2020-ҹи илин ијул ајынын 14-дән 15-нә кечән ҝеҹә Бакы шәһәриндә јүрүш етдикләри заман Фуад Гәһрәманлы вә диҝәрләринә партијаны тәмсил едән шәхсләрлә бирликдә кичик груплар тәшкил етмәклә јүрүш иштиракчыларына гошулмаг, даһа сонра вәтәнпәрвәрлик шүарларыны тәхрибат характерли чағырышларла әвәз едәрәк хаотик вәзијјәт јаратмаг, бу вәзијјәтдән јарарланыб күтләни идарә етмәклә, Азәрбајҹан Республикасы Милли Мәҹлисинин вә "Азәрбајҹан Телевизија вә Радио Верилишләри" ГСҸ-нин инзибати биналарыны әлә кечирмәк, о ҹүмләдән күтләви информасија васитәләри илә һакимијјәтин әлә кечирилмәсини бәјан едәҹәји барәдә тапшырыглар вериб.
Билдирилиб ки, ҹинајәт әмәлләриндә иштиракларына ҝөрә, Аббас Аббасов, Әли Кәримли, Фуад Гәһрәманлы, Мәммәд Ибраһим вә Гәнимәт Зајыдов Азәрбајҹан Республикасы Ҹинајәт Мәҹәлләсинин 278.1 (һакимијјәтин зорла әлә кечирилмәсинә, јахуд зорла сахланылмасына, һабелә дөвләтин конститусија гурулушунун зорла дәјишдирилмәсинә јөнәлән һәрәкәтләр), Елдар Әмиров 32.5, 278.1 (һакимијјәтин зорла әлә кечирилмәсинә, јахуд зорла сахланылмасына, һабелә дөвләтин конститусија гурулушунун зорла дәјишдирилмәсинә јөнәлән һәрәкәтләрә көмәк етмә), Рамиз Меһдијев 193-1.3.2 (ҹинајәт јолу илә әлдә едилмиш хејли мигдарда әмлакы легаллашдырма), 274 (дөвләтә хәјанәт) вә 278.1-ҹи маддәләри илә тәгсирләндирилән шәхс гисминдә мәсулијјәтә ҹәлб едилиб.
Аббас Аббасов, Фуад Гәһрәманлы вә Гәнимәт Зајыдов Азәрбајҹан әразисиндән кәнарда олдуглары вә истинтагдан ҝизләндикләри үчүн барәләриндә ахтарыш елан едилмәклә, мәһкәмә тәрәфиндән гијаби һәбс гәтимкан тәдбири сечилиб.
Sizin rəyiniz