Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ермәнистан вә АБШ-нин јүксәк вәзифәли рәсмиләри ики өлкәнин мүлки нүвә енержиси секторунда әмәкдашлыг етмәк барәдә разылыға ҝәлдијини ачыгладылар.
Ермәнистанын Баш назири Никол Пашинјан базар ертәси АБШ-нин витсе-президенти ЖД Ванҹе илә бирҝә мәтбуат конфрансында билдириб: "АБШ-нин витсе-президенти вә мән ики өлкә һөкумәтләри арасында сүлһмәрамлы нүвә енержиси әмәкдашлығына даир 123 сазиш үзрә данышыглары баша чатдыран бирҝә бәјанат имзаладыг. Бу сазиш Ермәнистан вә АБШ арасында енержи әмәкдашлығынын дәринләшдирилмәсиндә јени бир фәсил ачаҹаг вә Ермәнистанын енержи мүхтәлифлијини ҝенишләндирәҹәк."
Ермәнистанда ики ҝүнлүк сәфәрдә олан АБШ-нин витсе-президенти ЖД Ванҹе дә мәтбуат конфрансында билдириб ки, сазиш АБШ-дан Ермәнистана илкин олараг 5 милјард доллара гәдәр ихраҹа, үстәҝәл узунмүддәтли јанаҹаг вә техники хидмәт мүгавиләләринә даһа 4 милјард доллар иҹазә верәҹәк.
Sizin rəyiniz