Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Һөрмәтли Президенти билдириб ки, өлкәнин бүтүн рәсмиләри вә мәмурлары өз давранышларыны Ислам Ингилабынын бөјүк баниси Имам Хомејнинин (ризвануллаһи тәала әлејһ) ҝөстәришләри вә төвсијәләри илә ујғунлашдырмалы вә мүгајисә етмәлидирләр.
О әлавә едиб: "Ҹәмијјәтин буҝүнкү проблемләри ондан ирәли ҝәлир ки, биз Имамын төвсијәләринә дүзҝүн әмәл етмәдик вә халгы ҝөрмәдик (инсанларын истәкләринә биҝанә галдыг)."
Президентин һөкумәт һејәтинин Имам Хомејнинин (ризвануллаһи тәала әлејһ) идеаллары илә бејәтини тәзәләмә мәрасиминдәки чыхышындан бир һиссә:
"Бу һадисәләрдә, тәәссүф ки, һәм Трамп, һәм Нетанјаһу, һәм дә авропалылар тәһрик етмәјә, тәфригә салмаға чалышдылар; силаһландырдылар вә бир груп ҝүнаһсыз инсаны бу ахына гошдулар. Онлары күчәләрә чыхардылар вә бу мәмләкәти парча-парча етмәк, инсанлар арасында дава вә нифрәт јаратмаг истәдиләр. Һеч бир ади сосиал етиразда әлә силаһ алмазлар, һәрбчиләри өлдүрмәзләр, тәҹили јардым машыныны вә базары јандырмазлар. Етиразчыларымыз вар, бизим вәзифәмиздир ки, отураг, онларын сөзләрини вә нараһатлыгларыны динләјәк; биз онлары һәлл етмәјә борҹлујуг вә динләмәјә, онларла отуруб проблемләри һәлл етмәјә һазырыг. Лакин һамы билир ки, мәсәлә јалныз сосиал етираз дејилди. Проблемләримиздән истифадә етдиләр, тәһрик етдиләр вә ҹәмијјәти парчаламаға чалышдылар. Рәһбәрлијин һүзуру вә бахышлары бу фитнәләри һәр заман зәрәрсизләшдириб вә јенә дә зәрәрсизләшдирәҹәкдир. Амма бу, бизим бу системин мәсул шәхсләри вә халгын хидмәтчиләри олараг, өз давраныш вә рәфтарымыза јенидән бахмағымыза манеә олмамалыдыр.”
Sizin rəyiniz