Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назири АБШ президентинә Ирана гаршы јөнәлмиш дүшмәнҹәсинә сијасәтләрин уғурсузлуғу барәдә хәбәрдарлыг едәрәк дејиб: Вашингтонун сынагдан кечирилмиш бүтүн вариантлары – санксијалар, кибер мүһарибә, һәрби әмәлијјат вә терроризмин дәстәји – уғурсуз олуб вә вахты ҝәлиб ки, АБШ тәһдидләр јеринә һөрмәт вә дипломатија јолуну сечсин.
Иран Хариҹи Ишләр назири Сејид Аббас Әрагчи АБШ президентинин өлкәјә гаршы тәһдидләринә ҹаваб олараг өз "Х" сосиал шәбәкә сәһифәсиндә јазыб:
Иран халгы шәһидләрини анаркән вә террорчуларын дағытдыгларыны јенидән бәрпа едәркән, јени бир тәһдид ортаја чыхыб: дипломатијанын сон мәғлубијјәти.
Таммигјаслы тоггушма гачылмаз шәкилдә дағыдыҹы, гыса олмајаҹаг вә Исраил вә мүттәфигләринин Ағ Евә тәгдим етдији хәјали вахт чәрчивәсиндән чох даһа узун чәкәҹәк.
Иранын АБШ президентинә месажы ајдындыр: АБШ һәр ҹүр дүшмән аддымы - санксијалар, киберһүҹумлар, бирбаша һәрби әмәлијјатлар вә сон вахтлар ачыг шәкилдә бөјүк бир террор әмәлијјатынын дәстәјини сынагдан кечириб вә һамысында мәғлуб олуб.
Инди башга ҹүр дүшүнмәјин вахты чатыб: Һөрмәти сынамағын вахтыдыр.
Sizin rəyiniz