Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ирагын Баш Назири Әбдүл Һәмид әл-Шәмри вә Ираг Көнүллү Халг Дәстәләри олан Һәшду Шәбинин Әл-Әнбар әмәлијјаты үзрә командири Гасым Мүслиһ бәјанат верәрәк билдирибләр ки, Ирагын Сурија илә сәрһәдләри там нәзарәт алтындадыр вә тәһлүкәсизлик там шәкилдә бәргәрардыр.
Командир Әл-Шәмри мәтбуат конфрансында вердији ачыгламада билдириб: “Биз һәр ҝүн Сурија һадисәләрини јахындан изләјирик вә үч ил бундан өнҹә өлкәнин бу ҝүнүнү прагнозлашдырмышдыг.”
Ирагын Баш Назири билдириб: “Ираг дөвләти Сурија сәрһәди бојунҹа 620 км хәндәк газыб вә модерн һәрарәт дүрбинләри јерләшдириб. Сәрһәдләримиз 24 саат әрзиндә там нәзарәтимиздәдир.”
Хатырладаг ки, бир нечә ҝүндүр ки, Суријанын шимал вә шәрг бөлҝәләриндә күрдләрин Сурија Демократ Гүввәләри (ГСД) илә Суријаја һаким кәсилмиш вәһһаби Ҹолани режиминә бағлы Орду арасында атышмалар ҝедир.
Sizin rəyiniz