Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Али Рәһбәри Һәзрәт Мәһәммәд (с) пејғәмбәрин Мәбәс (пејғәмбәрлијә сечилмәси) бајамы мүнасибәтилә халгын мүхтәлиф тәбәгәләриндән олан инсанларла ҝөрүшдә деди: Биз иткиләр, зијанлар вә Иран халгына атдығы бөһтана ҝөрә Америка президентини ҹинајәткар сајырыг.
Бу ҝүн, шәнбә (17 јанвар) халгын мүхтәлиф тәбәгәләриндән олан инсанлар Һәзрәт Мәһәммәд (с) пејғәмбәрин Мәбәс бајамы мүнасибәтилә Ислам Ингилабынын Али Рәһбәри Ајәтуллаһ Хаменеи илә ҝөрүшүбләр.
ИРНА Хәбәр Аҝентлији тәрәфиндән тәрҹүмә едилән Ислам Ингилабы Рәһбәринин чыхышынын мәтни
Һәзрәт Ајәтуллаһ Хаменеи бәшәр тарихинин ән мүһүм бајрамы олан Исламын әзәмәтли Мәбәс (Пејғәмбәрин пејғәмбәрлијә сечилмәсини) бајрамыны Иран халгына, Ислам үммәтинә вә дүнјанын бүтүн азадлыг тәрәфдарларына тәбрик деди. О, Мәбәс ҝүнүнү Гуранын назил олмасы, бәшәријјәтин Илаһи програм олан “камил инсан тәрбијәси” аҝаһлығы, Ислам свилизасијасынын башланғыҹы вә әдаләт, гардашлыг вә бәрабәрлик бајрағынын уҹалдылмасы ҝүнү һесаб етди вә деди: Әлбәттә Мәбәсин фәзиләтләрини дәрк етмәк бизим кимиләрин ағлына сығмаз вә буну мөминләрин әмири Имам Әлинин (ә) бәјанына вә “Нәһҹүл-бәлағә” китабыны мүталиә етмәклә дәрк етмәк олар.
Ислам Ингилабынын Рәһбәри сөһбәтинин икинҹи һиссәсиндә сон фитнәјә ишарә едәрәк деди: Бу фитнә алову Аллаһын төвфиги вә “халгын, сәлаһијјәтли шәхсләрин вә пешәкар мәмурларын” васитәсилә сөндүрүлдү. Лакин билмәлијик ки, фитнәнин маһијјәти нә иди вә нә үчүн јарадылды; онун тәркиб һиссәләри кимләр иди вә дүшмән гаршысында бизим вәзифәмиз нәдир?
О, сон фитнәнин маһијјәтини Америка мәншәли сајды вә америкалыларын мүхтәлиф фитнәләрдәки әсас мәгсәдини изаһ едәркән деди: Тәкҹә һазыркы президентин дејил, Америка дөвләтинин давамлы һәдәфи вә сијасәти Ираны удмаг, бизим өлкәмиздә өз һәрби, сијаси вә игтисади һакимијјәтини бәрпа етмәкдир. Чүнки бу ҝенишликдә, бу гәдәр әһалиси олан вә белә бир һәссас ҹоғрафијанын мәркәзиндә имканлара вә елми-техноложи инкишафлара малик бир өлкә онлар үчүн гәбуледилмәздир.
Ингилаб Рәһбәри әлавә етди: Сон фитнәнин хүсусијјәти бу иди ки, Америка президенти шәхсән она мүдахилә етди, данышды, тәһдид етди, фитнәкарлары һәвәсләндирәрәк месаж ҝөндәрди ки, ирәли ҝедин, горхмајын вә биз сизи һәрби ҹәһәтдән дәстәкләјәҹәјик.
Һәзрәт Ајәтуллаһ Хаменеи бујурду: Америка президенти фитнәкарлары ачыг-ашкар тәшвиг етди, пәрдә архасында да Америка вә сионист режим онлара бәзи јардымлар етдиләр; буна әсасән биз истәр иткиләр вә дәјән зијанлара ҝөрә, истәрсә дә Иран халгына атдығы бөһтана ҝөрә АБШ президентини ҹинајәткар сајырыг.
О, бир нечә ҹаваны мәсҹиддә мүһасирәјә салыб дири-дири јандырмаг вә ја үч јашлы гыз ушағынын, мүдафиәсиз вә ҝүнаһсыз киши вә гадынларын гәтлә јетирилмәсини гәтијјәтлә гејри-инсани вә тамамилә вәһшиҹәсинә аддымлар адландырараг хатырлатды: Бу аддымлар фитнәнин өнҹәдән һазырланмыш планынын бир һиссәси иди. Онлар сојуг, һәмчинин одлу силаһларла тәҹһиз олунмушдулар ки, бунлар да өлкә хариҹиндән ҝәтириләрәк белә ҹинајәтләр төрәтмәк үчүн фитнәкар үнсүрләр арасында пајланмышды.
Ислам Ингилабынын рәһбәри Ајәтуллаһ Хаменеи, Иран халгынын фитнәнин белини сындырдығыны вурғулајараг деди: Иран халгынын 12 јанвар тарихиндә милјонларла инсанын иштиракы илә баш верән јүрүшү “тарихи бир ҝүн” кими халгын шәрәф китабына дахил едилди вә чох данышан иддиачыларын ағзына јумруг вурараг фитнәни јатырды.
Һәзрәт Ајәтуллаһ Хаменеи сон фитнәдә Иран халгынын АБШ-јә гаршы гәләбәсини, 12 ҝүнлүк мүһарибәдә АБШ вә сионист режиминә гаршы гәләбә илә ејни сәвијјәдә гијмәтләндирди вә әлавә етди: Онлар бу фитнәни даһа бөјүк ишләр үчүн һазырлајараг башлатдылар, лакин халг фитнәни сөндүрдү — лакин бу кифајәт дејил, АБШ өз әмәлләринә ҝөрә ҹаваб вермәлидир.
О, хариҹи ишләр назирлији кими мәсулијјәтли гурумлары сон заманлардакы АБШ ҹинајәтләринин изләнилмәси илә мәшғул олмаға мәсулијјәтли сајды вә әлавә етди: Биз өлкәни мүһарибәјә сүрүкләмирик, лакин дахили ҹинајәткарлары, онлардан да пис олан бејнәлхалг ҹинајәткарлары мәсулијјәтдән азад етмирик — бу иш өз үсулларымызла, дүзҝүн јолларла давам етдирилмәлидир.
Ислам Ингилабынын рәһбәри вурғулады: Аллаһын көмәји илә, Иран халгы фитнәнин белини сындырдыгдан сонра фитнәкарын да белини сындырмалыдыр.
Sizin rəyiniz