Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Али Мәгамлы Рәһбәри үчүнҹү видеомүраҹиәтиндә Бөјүк Иран Халгынын сионист режим вә АБШ үзәриндә өлкәмизә тәтбиг едилән мүһарибәдә гәләбә чалмасы мүнасибәтилә тәбрик едиб вә Бөјүк Иран Халгынын фөвгәладә бирлији вә вәһдәтини јүксәк гијмәтләндириб.
Имам Хаменеи һәзрәтләринин месажынын там мәтни беләдир:
Бисмилләһир Раһмәнир Раһим
Салам олсун әзиз вә бөјүк Иран халгына. Биринҹиси, сон һадисәләрин гијмәтли шәһидләринин, Ислам Ҹүмһуријјәти үчүн һәгиги вә әдаләтли дәјәрли, хидмәт едән шәһид ҝенераллар вә шәһид алимләрин хатирәсини еһтирамла јад едирәм; ин шә Аллаһ онлар бу ҝүн Аллаһ Дәрҝаһында ҝөстәрдикләри үстүн хидмәтләринин мүкафатыны алырлар.
Бөјүк Иран Халгыны тәбрик етмәји зәрури һесаб едирәм. Милләтә бир нечә тәбрик етмәк истәрдим:
Әввәлҹә сахта сионист режим үзәриндә гәләбә мүнасибәтилә тәбрик едирик. Сионист режим бүтүн бу сәс-күј, бүтүн бу иддиаларла Ислам Республикасынын зәрбәләри алтында демәк олар ки, сүгут етди вә әзилди. Ислам Республикасы тәрәфиндән режимә бу ҹүр зәрбәләрин ендирилә биләҹәји дүшүнҹәси онларын зеһниндән вә тәхәјјүлүндән белә кечмирди, амма бу олду.
Өз ракетләринин тәзјиги вә габагҹыл силаһларынын ҝүҹлү һүҹуму илә дүшмәнин ән сон инкишаф етмиш чохтәбәгәли мүдафиә системләрини јарыб, шәһәр вә һәрби әразиләринин бир чохуну јерлә-јексан едә билән силаһлы гүввәләримизә көмәк едән Аллаһ Тәалаја шүкүр едирик!
Бу, Аллаһын ән бөјүк немәтләриндән биридир; Бу ону ҝөстәрир ки, сионист режим Иран Ислам Республикасына һүҹумун она баһа баша ҝәлдијини анламалыдыр. Ирана үҹум онлар үчүн хәрҹ јарадыр, чох ағыр бир хәрҹ јарадыр вә јарадаҹагдыр.
Аллаһа шүкүр ки, бу баш верди; шәрәф бизим севимли силаһлы гүввәләримизә вә бу силаһлы гүввәләри өз ичиндән јарадан, онлары јетишдирән, онлара дәстәк олан, белә бөјүк бир иши јеринә јетирмәк үчүн онлара [ҝүҹлү] әлләр бәхш едән инсанлара мәхсусдур.
Аллаһа шүкүр ки, бу баш верди; Бу ишин ифтихар вә шәрәфи бизим севимли силаһлы гүввәләримизә вә бу силаһлы гүввәләри өз ичиндән јарадан, онлары јетишдирән, онлара дәстәк олан, белә бир бөјүк вәзифәни јеринә јетирмәк үчүн онлара [ҝүҹлү] әл вериб, онлары ҝүҹлү едән халга мәхсусдур.
Икинҹи тәбрик севимли Иранымызын Америка режими үзәриндә гәләбәси илә бағлыдыр. Америка режими билаваситә мүһарибәјә ҝирди. Чүнки, ҝөрдү әҝәр ҝирмәсә, сионист режим тамамилә мәһв олаҹагдыр. Ону хилас етмәк үчүн мүһарибәјә ҝирди, лакин һеч бир нәтиҹә әлдә едә билмәди. Онлар бизим нүвә објектләримизә һүҹум етдиләр - әлбәттә бу мәсәлә өз нөвбәсиндә, мүстәгил олараг бејнәлхалг мәһкәмәләрдә галдырылмаға вә вә бу ҹинајәти тәгиб етмәјә лајигдир - лакин мүһүм бир шеј едә билмәдиләр.
АБШ президенти (1) баш верән һадисәләри гејри-ади шәкилдә шиширтди вә мәлум олду ки, бу шиширтмә она лазым иди; онун сөзләрини ешидән һәр кәс анлајырды ки, бу сөзләрин сәтһинин алтында башга бир һәгигәт вар. Онлар һеч нә едә билмәдиләр, мәгсәдләринә чата билмәдиләр вә буна ҝөрә дә һәгигәти өрт-басдыр етмәк, ҝизли сахламаг үчүн ҝөрдүкләри ишләри шиширтдиләр. Бурада да Ислам Республикасы галиб ҝәлди вә бунун мүгабилиндә Ислам Республикасы Американын јанағына ағыр бир шиллә вурду; Бөлҝәдәки мүһүм Америка базаларындан бири олан Әл-Удејд базасына һүҹум етди вә ағыр зијанлар вурду. Өз төрәтдикләри ишдә һадисәни шиширдән һәмин адамлар, баш верән Бу Бөјүк Бир Һадисәни минимума ендирмәјә, һеч нә олмадығыны демәјә ҹан атыб чалышырдылар. Ислам Республикасынын реҝиондакы мүһүм Америка мәркәзләринә әл тапмасы вә лазым билдији заман онлара гаршы тәдбир ҝөрә билмәси кичик бир һадисә дејил, бу Бөјүк Бир Һадисәдир. Бу һадисә ҝәләҹәкдә дә тәкрарлана биләр; һүҹум едиләрсә, дүшмәнә вә тәҹавүз едәнә баһа баша ҝәләҹәк.
Үчүнҹү тәбрик Иран Халгынын нүмајиш етдирдији фөвгәладә бирлији вә вәһдәти мүнасибәтилә олан тәбрикдир. Аллаһа һәмд олсун, дохсан милјона јахын олан әһали, бирпарча, јекдил, чијин-чијинә, бир-биринин јанында, дилә ҝәтирдикләри тәләб вә нијјәтдләринә һеч бир фәрг гојмадан дүшмән гаршысында дајандылар, шүарлар сәсләндирдиләр, данышдылар, силаһлы гүввәләрин давранышларыны дәстәкләдиләр, бундан сонра да белә едәҹәкләр. Иран халгы бу мәсәләдә өз әзәмәтини, фәргли вә ҝөркәмли шәхсијјәтини ҝөстәрди. Бу милләт ҝөстәрди ки, лазым оланда бу халгын сәси ешидиләҹәквә Аллаһа һәмд олсун ки, бу һадисә баш верди.
Мүраҹиәтимдә әсас мәгам кими гејд етмәк истәдијим мәгам ондан ибарәтдир ки, АБШ президенти өз бәјанатларынын вә ачыгламаларынын бириндә Иранын тәслим олмасынын лазым олдуғуну вурғулады. “Тәслим ол”! Бу, артыг зәнҝинләшмә илә бағлы мәсәлә дејил, бу, нүвә сәнајеси илә бағлы проблем дә дејил, мәһз Иранын тәслим олмасы илә бағлыдыр.
Тәбии ки, бу, АБШ президентинин башындан даһа бөјүк бир сөздүр. Әзәмәтли Иран, бөјүк тарихә малик олан Иран, әзәмәтли мәдәнијјәти олан Иран, полад тәкин милли әзма малик олан Иран кими бир өлкә үчүн “тәслим ол” сөзү Иран милләтини таныјанлара ҝүлмәли вә истеһзалы ҝәлир. Лакин Трампын ачыгламасы бир һәгигәти үзә чыхарды; Америкалылар ингилабын әввәлиндән Ислами Иранла мүнагишәјә ҝирибләр вә ҹырмаг атырлар, һәр дәфә дә бир бәһанә тапырлар: Бир дәфә Инсан һүгуглары бәһанәси илә, бир дәфә демократијаны мүдафиә етмәк бәһанәси, бир дәфә гадын һүгуглары, бир дәфә уранын зәнҝинләшдирмәси, бир дәфә нүвә мәсәләсинин өзү, бир дәфә ракет истеһсалы мәсәләси. Онлар мүхтәлиф бәһанәләр ҝәтирирләр, амма мәсәләнин маһијјәти бир шејдән башга бир шеј дејил, о да “Иранын тәслим олмасы” мәсәләсидир. Американын әввәлки пезидентләри буну демирдиләр, чүнки бу, гәбуледилмәз бир мәсәләдир; халга тәслим ол демәк һеч бир бәшәри мәнтигдә гәбуледилмәздир, она ҝөрә дә буну башга үнван вә башлыглар алтында ҝизләдирләр. Амма бу шәхс (Трамп) бу һәгигәти ифша етди, ҝөстәрди вә ачыг шәкилдә билдирди ки, америкалылар јалныз Иранын тәслим олмасы илә кифајәтләнәҹәкләр. Вә бу ваҹиб бир мәгамдыр! Иран милләти билмәлидир ки, Америка илә мүнагишәнин [сәбәби] будур вә Иран милләтинә гаршы бу бөјүк тәһгир америкалылар тәрәфиндән едилир вә белә бир һадисә (Иранын тәслим олмасы) һеч вахт баш вермәјәҹәк; бу һеч вахт олмајаҹаг.
Иран халгы бөјүк халгдыр, Иран ҝүҹлү вә ҝениш өлкәдир, Иран гәдим сивилизасијаја маликдир; Бизим мәдәни вә сивилизасија сәрвәтимиз Америка вә онун бәнзәрләриндән јүз дәфәләрлә чохдур. Киминсә Иранын башга бир өлкәјә тәслим олаҹағыны ҝөзләмәси, шүбһәсиз ки, мүдрик вә биликли инсанларын мәсхәрә објектинә чевриләҹәк ујдурма вә ҹәфәнҝијјатлардан биридир.
Иран милләти әзиздир вә әзиз олаҹаг, галибдир вә Аллаһын лүтфү илә галиб ҝәләҹәк. Үмид едирик ки, Аллаһ-Тәала бу халгы Өз лүтфү сајәсиндә һәмишә шәрәф вә иззәтлә горујуб сахласын, Али Мәгамлы Имам Хомејнинин мәгамларыны уҹалтсын вә Имам Заман Һәзрәтләрини (Она руһумуз фәда олсун) бу үммәтдән разы салсын вә хошһал етсин. О, Али Шәхсијјәтин көмәји бу милләтин дајағы олсун.
Вәссәыаму Әлејкум вә Рәһмәтуллаһи вә Бәрәкатуһ
Sizin rəyiniz