Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бразилија президенти Лула Да Силва сионист режимин тәҹавүзүнүн һазыркы мәрһәләсинин фәләстинлиләри өз торпагларындан говмаг мәгсәди дашыдығы олдуғуну вурғулајараг, сионистләрин Фәләстин халгына гаршы “сојгырым” төрәтдијини бәјан едиб.
О, Х платформасындакы јазысында сионист режимин һава һүҹуму нәтиҹәсиндә фәләстинли һәким Әла Ән-Нәҹҹарын 10 ушағындан доггузунунун шәһадәтә јетмәсини шиддәтлә писләјиб вә баш верәнләри сионист режимин нөвбәти биабырчы вә горхаг һәрәкәти адландырыб.
Бразилија президенти гејд едиб ки, һәкимин сағ галан јеҝанә оғлу, һәким һәјат јолдашы илә бирликдә хәстәханада ағыр вәзијјәтдәдир.
Да Силва вурғулады: “Исраил мүдафиәсиз мүлки әһалијә гаршы мүһарибә апарыб, бу мүһарибәдә һәр ҝүн ҝүнаһсыз гадын вә ушаглар һәдәфә алыныб”.
"Артыг сөһбәт өзүнү мүдафиә һүгугундан, терроризмлә мүбаризәдән вә ја ҺӘМАС-ын сахладығы мәһбуслары азад етмәк ҹәһдиндән ҝетмир. Бу ҝүн Гәззада ҝөрдүјүмүз гисасдыр", - дејә о давам едиб.
Sizin rəyiniz