АБНА24 Хәбәр Верир, Әл-Мәјадин шәбәкәси Суријада мәнбәләринә истинадән гејд едир ки, АБШ ордусу ИШИД мәһбусларыны һеликоптерләрлә Әл-Һакса әјаләтиндәки (шимал-шәрг) Ирагла сәрһәддә јерләшән бир нечә һәбсханадан көчүрүб. Сөзүҝедән мәнбәләр Әл-Мәјадинә билдирибләр ки, АБШ-ын һеликоптерләри һәр ҝүн ИШИД мәһбусларыны Суријанын шимал-шәргиндәки Ғојран вә Әл-Синаа һәбсханаларындан мүтәмади АБШ-ын Ирагдакы базаларына апарыр. Мәлумата ҝөрә, әксәријјәти Ираг милләтиндән олан бу ИШИД мәһбуслары Ғојран идман комплексиндә топланыр вә сонра АБШ ордусунун нәзарәти вә рәһбәрлији алтында һеликоптерлә сәрһәдә чатдырылыр. Мәнбәләр Әл-Мәјадинә 100-дән чох мәһбусун Ираг сәрһәдинә апарылдығыны вә сонра Сурија ордусу вә мүттәфигләринин Сурија вә Ираг чөлләриндәки мөвгеләринә һүҹум етмәк үчүн силаһландыгдан сонра азад едилдијини билдирибләр. Мәнбәләр, кечән илин сон үч ајында америкалыларын Әл-Шәддади вә Әл-Һасәкәдәки һәбсханалардан онларла ИШИД мәһбусуну Әл-Танф 55 мәһәлләсинә көчүрдүкләрини вә Сурија ордусунун мөвгеләринә һүҹум етмәк үчүн истифадә етдикләрини дә гејд едибләр. Хатырладаг ки, бир нечә һәфтә әввәл Суријанын САНА рәсми хәбәр аҝентлији дә охшар бир хәбәриндә АБШ гүввәләринин шимал-шәргдәки бир нечә һәбсханадан онларла ИШИД террорчусуну Иорданија сәрһәдиндәки ганунсуз Әл-Танф базасына көчүрдүјүнү билдирмишди.
342/
