АБНА24 Хәбәр Верир, Тәбриз Тиҹарәт Палатасынын рәһбәри Јунес Ҹалеһ вә Иранын Нахчыван Мухтар Республикасындакы баш консулу Әһмәд Һүсејни арасында кечирилән ҝөрүшдә билдирилиб ки, Иранын Шәрги Азәрбајҹан вилајәти Нахчыван Мухтар Республикасы илә игтисади әлагәләри ҝенишләндирмәјә һазырдыр. Тәрәфләр тиҹарәт вә игтисади әлагәләрин ҝенишләндирмәси стратеҝијаларыны мүзакирә едибләр. Баш консул гејд едиб ки, јүксәк мәдәни орта ҹәһәтләр сајәсиндә Нахчыванла Иранын Шәрги Азәрбајҹан вилајәти арасында игтисади әмәкдашлыг ҝенишләндирилә биләр. О, Иран һөкумәти илә бирликдә өзәл секторун да бу әмәкдашлыгда ролуну вурғулајыб: "Тәрәфләр арасында тиҹарәт вә игтисади нүмајәндә һејәтләринин мүбадиләсини һәјата кечирәрәк јахын ҝәләҹәкдә Шәрги Азәрбајҹанла Нахчыван арасында игтисади вә тиҹарәт әмәкдашлығынын артаҹағына үмид едә биләрик". Өз нөвбәсиндә, Јунес Ҹалеһ вурғулајыб ки, Нахчывана потенсиал инвестисија имканлары мүәјјәнләшдирилмәлидир вә Шәрги Азәрбајҹан вилајәтиндән Мухтар Республикаја ихраҹ артырылмалыдыр. Бундан әлавә, Тәбриз Тиҹарәт Палатасынын рәһбәри Иран тиҹарәтчиләринин Нахчыванла игтисади әлагәләрин инкишаф етдирилмәсинә јөнәлмиш олдуғуну диггәтә чатдырыб.
342/
