АБНА24 Хәбәр Верир, Иранын сәнаје, мәдән вә тиҹарәт назири Әрдәбил вилајәтинә олан бир ҝүнлүк сәфәри чәрчивәсиндә Мечкиншәһр шәһәринин сәнаје вә мәдән фабрикаларынын фәалијјәти илә јахындан таныш олуб. О, Мешкиншәһрдәки јүк машыны гајырма заводуна бахыш кечириб вә Әрдәбил вилајәтинин илк јүк машыны гајырма заводундакы мөвҹуд проблемләр вә манеәләрлә јахындан таныш олуб вә онларын һәлли истигамәтиндә лазыми ҝөстәришләри вериб. Рәзм Һүсејни, һәмчинин мис консентраты истеһсал едән заводу тикиләҹәк мәканда һазыр олараг, бу лајиһәнин иҹра әмәлијјатынын башланмасына ҝөстәриш вериб вә беләликлә дә Әрдәбил өлкәдә әсас мис истеһсалчылары сырасына гошулуб. Әрдәбил валиси дә сәнаје вә мәдән саһәсиндә инвестисија гојулушунун сәрвәт газанмаг вә мәшғуллуг јаратмаг үчүн әсас сектор кими характеризә едиб. Мешкиншәһр Чапар адлы ағыр јүк машынларынын истеһсал хәттини ишә салмагла ҝүндәлик орта һесабла 50 дәнә јүк машыны истеһсал вә базара тәгдим етмәк нијјәтиндәдир.
342/
