АБНА24 Хәбәр Верир, Зејнәб Сүлејмани Ливанын Әл-Мәјадин телеканалына вердији мүсаһибәдә, атамсынын Фәләстин амалынын адыны дашыјан бир гүввәјә команданлыг етдијини бәјан едәрәк, дејиб: "Фәләстин амалы вә халгы шәһид Сүлејмани үчүн бөјүк әһәмијјәт кәсб едирди вә бу ҝүн Фәләстин мүгавимәтинин ҝүҹүндән сионистләрин неҹә ваһимәјә дүшдүкләрини ҝөрүрүк". Шәһид Һаҹы Гасим Сүлејманинин гызы дејиб: ""Атам Ирагда, Суријада, Фәләстиндә, Ливанда вә һәтта Иранда мүгавимәтин тәмәлини гојду вә өз дәстәји илә ону ҝүҹләндирди вә бөјүтдү". Зејнәб Сүлејмани, Һаҹы Гасимин дөјүш мејданда чох тәсирли бир популјарлыға вә һәдсиз зәкаја саһиб олан ҝүҹлү бир һәрби командан олдуғуна тохунараг, әлавә едиб: "Атамын чох меһрибан гәлби вар иди вә дүшүнүрәм ки, онун уғуру да бу меһрибан гәлбин сајәсиндә иди". Зејнәб Сүлејмани атасынын Ливан Һизбуллаһынын баш катиби Сејид Һәсән Нәсруллаһ илә мүнасибәтини гардашҹасына бир севҝи кими дәјәрләндириб вә дејиб: "Ислам Ингилабынын Бөјүк Рәһбәри Ајәтуллаһул-үзма Хаменеи, шәһид Һаҹы Гасим үчүн гырмызы хәтт иди вә өзүнү Иран халгынын вә рәһбәринин әсл әсҝәри һесаб едирди". О, атасынын дөјүш мејданында һәм командан, һәм дә әсҝәр вә һәмишә шәһадәт арзусунда олдуғуну бәјан едәрәк, дејиб: "Һаҹы Гасимин Суријада ҝүҹлү иштиракынын сәбәбләриндән бири бу иди ки, о, Сурија, Иран вә Ливанын бир-биринә чох јахын олдуғуна вә сәрһәдләрин тәһлүкә алтында олдуғуна инанырды". Зејнәб Сүлејмани, атасынын Суријанын президенти Бәшшар Әсәди чох шүҹаәтли бир инсан һесаб етдијини бәјан едәрәк, әлавә едиб: "Бәшшар Әсәд дајанды вә тәһдид олунмасына бахмајараг, халгыны вә өлкәсини ҝүҹлә мүдафиә етди." О, дејиб: "Атам һәгигәтән Суријаны вә Ираны ејни заманда мүдафиә етди вә Һаҹы Гасимә ҝөрә, Иран халгы илә Ливан, Сурија, Фәләстин вә Јәмән халгы арасында һеч бир фәрг јох иди."
342/
