АБНА24 Хәбәр Верир, Фәләстинин Хариҹи Ишләр Назирлији ҹүмә ҝүнү бир бәјанат јајараг, вурғулајыб: "Сионист гәсәбә сакинләринин фәләстинлиләрә гаршы ҹинајәтләри тәкҹә онлары горхутмаг вә инҹитмәк мәгсәди дашымыр, һәмдә бу тәҹавүзләр сионист гәсәбәләрини ҝенишләндирмәк мәгсәди илә фәләстинлиләрин әразиләрини мүсадирә етмәк үчүн онларын мүстәмләкәчи вә експансионист планлары илә әлагәдардыр". Бәјанатда дејилир: Триполи шәһәринин ҹәнуб, ҹәнуб-гәрб вә ҹәнуб-чәргиндән тутмуш Гәрб саһилинин бөлҝәләринә гәдәр ҝениш бир әразисини һәдәфә алмагдан мәгсәд сионист гәсәбә сакинләри үчүн јашајыш мәнтәгәләри јаратмаг, ајры-ајры сионист сакинли блоклар јаратмаг вә бу јашајыш мәнтәгәләрини Фәләстинин ишғал олунмуш әразиләринә бирләшдирмәкдир. Фәләстинин Хариҹи Ишләр Назирлији белә бир һәрәкәтләрин Гүдсүн пајтахтлығы илә мүстәгил вә суверен бир Фәләстин һөкумәтинин јаранмасы үчүн истәнилән фүрсәти әнҝәлләдијини бәјан едәрәк, сионист режим вә АБШ президенти Доналд Трампын гәсәбә сакинләринин ҹинајәтләри, һабелә мүстәмләкәчи вә експансионист планларынын нәтиҹәләри илә бағлы мәсулијјәт дашыдығыны вурғулајыб. Бәјанатда, БМТ Тәһлүкәсизлик Шурасынын бејнәлхалг һүгуг вә инсан һаглары принсипләринин тәтбиг едилмәси илә бағлы ролуну вә миссијасыны јеринә јетирмәси, һәмчинин Гәрб саһилиндә гәсәбә салмаларын ганунсузлуғу вә гәсәбә сакинләринин ҹинајәтләринин дајандырылмасына даир 2334 сајлы гәтнамәни иҹра етмәси тәләб олунуб. БМТ Тәһлүкәсизлик Шурасы 2016-ҹы ил декабрын 23-дә 2334 сајлы гәтнамәни тәсдиг едәрәк, сионист режими ишғал олунмуш Фәләстин әразиләриндәки бүтүн гәсәбә салма фәалијјәтләрини дәрһал вә тамамилә дајандырмаға чағырыб.
342/
