АБНА24 Хәбәр Верир, Иран Ислам Республикасы президенти Һәсән Руһани бу ҝүн Теһранда Коронавирусла Мүбаризә үзрә Милли Гәрарҝаһын иҹласында, коронавирус пејвәндинин тәмин едилмәсиндә АБШ-ын тәхрибатына тохунараг, дејиб: "АБШ коронавирус пејвәндини алмагда бизә проблем јарадыр вә анти-Иран медиалары да һәр ҝүн мүхтәлиф бәһанәләрлә бу мәсәләдән суи-истифадә едирләр". Иран президенти вурғулајыб: "Истәнилән јердә етибарлы пејвәнд оларса вә Сәһијјә Назирлији тәрәфиндән тәсдигләнәрсә, һөкумәт мүтләг ону алмаг үчүн һәрәкәтә кечәҹәк". Руһани, һәмчинин бәзи Авропа өлкәләриндә, хүсусилә дә Инҝилтәрәдә коронавирусун мутасијаја уғрамыш нөвүнүн ашкарландығыны бәјан едәрәк, әлавә едиб: "Халгымызын мутасијалы вируса јолухмамасы үчүн Авропадан Ирана дахил олан сәрнишинләр барәдә даһа диггәтли олмалыјыг".
342/
