АБНА24 Хәбәр Верир, Реза Әрдәканијан дүнән вурғулајыб ки, Худафәрин су бәнди лајиһәсилә бағлы малијјә мәсәләләри тамамилә ајдынлашыбдыр. О, билдириб ки, су електрик стансијаларынын иншасы һәр ики өлкәјә бөјүк мәнфәәтләр ҝәтирәҹәкдир. Әрдәканијан сонра белә гејд едиб: Худафәрин Араз сәрһәд чајы үзәриндә мүһүм бир су бәнддир. О, тәхминән бир милјард 600 милјон кубметрә гәдәр су тәнзимләјә биләр. Иранын енерҝетика назири Худафәрин су бәндинин јухары вә ашағы һиссәсиндәки әразиләрин 120 мин һектарындан истифадә едилмәсинә ишарә илә дејиб: Бу әразиләрдән әлавә, ҝүҹү 280 мегаватт олаҹаг ики су електрик стансијасы електрик енержиси истеһсал едә биләр ки, бу мәсәлә дә ҝүндәмдә дурур. Әрдәканијан даһа сонра белә гејд едиб: Азәрбајҹан Республикасынын баш назир мүавининин чәршәнбә ахшамы ҝүнү бу өлкәнин енерҝетика назири илә бирҝә Теһрана сәфәри заманы Худафәрин су бәндинин малијјә һесабламасы тәрзи һагда мүзакирә апарылды вә Теһран вә Бакы бу барәдә разылыға ҝәлдиләр. Азәрбајҹан Республикасы баш назиринин мүавини Шаһин Мустафајев бу өлкәнин енерҝетика назири Пәрвиз Шаһбазов, һәмчинин һәмин өлкәнин бир нечә мәсул шәхси илә јанашы чәршәнбә ахшамы ҝүнү Теһрана сәфәр етмишди.
342
