АБНА24 Хәбәр Верир, Ливанин Һизбуллаһ һәрәкатынын јүксәк ракет ҝүҹүнү таныјан Сионист режиминин гәзети, бу мүгавимәт групунун ҝүндәлик 4000 ракет вә мәрми атмаг ҝүҹүндә олдуғуну јазыб. Јерусалым Пост гәзети, Ливаннын Һизбуллаһ һәрәкатыны Сионист режими үчүн ҹидди тәһдид адландырараг, бу мүгавимәт групунун јүксәк ракет потенсиалыны гејд едиб. Сионист режиминин тәгаүддә олан полковники Ели Бар-Оном гәзетдә јаздығы мәгаләдә, Һизбуллаһын Сионист режими илә јахынлашан истәнилән мүһарибәдә 4.000 ракет вә мәрми атмаг ҝүҹүндә олдуғуну гејд етди. Һизбуллаһ 2006-ҹы илин 33 ҝүнлүк мүһарибәсиндә 4000 миндән аз ракет атдығы һалда, бу ҝүн онун ракет ҝүҹү дүнја ордуларынын 95% ракет ҝүҹүнү үстәләјир. Сионист режиминин һәрби мүтәхәссисләри, Һизбуллаһын һал-һазырда мүгавимәт групунун Сионист режиминин һәрби мөвгеләринә вә ја стратежи нөгтәләринә дәгиг зәрбә ендирмәсинә имкан верән, онларла јүксәк дәгигликли ракетләрә саһиб олдуғуну сөјләјир. Бар-Оном гејд едиб: "Һизбуллаһын баш катиби Сејид Һәсән Нәсруллаһ дәфәләрлә Сионист режиминин Димона нүвә стансијасыны һәдәфә алмаг үчүн узун мәнзилли ракетләрдән истифадә етмәклә тәһдид едиб вә бу тәһлүкәни арадан галдырмаг Исраил режиминин әсас приоритетидир. Иран вә Һизбуллаһ јер-һава ракетләрини инкишаф етдирмәк үчүн бөјүк сәјләр ҝөстәрир". Сионист режиминин тәгаүддә олан полковники 2006-ҹы ил мүһарибәсиндән данышараг, Һизбуллаһын ракет арсеналынын чох зәиф олдуғу заман, ендирдији ракет зәрбәләри нәтиҹәсиндә 300.000 инсаны ишғал алтындакы әразиләри тәрк етмәјә мәҹбур етдијини сөјләјир.
342/
