АБНА24 Хәбәр Верир, Мәҹид Тәхти Рәванчи БМТ-нин чәршәнбә ҝүнү Сурија мөвзусунда кечирилән иҹласында, АБШ һәрбчиләринин бу өлкәдә олмасынын ганунсуз вә һансыса ҝизли мәгсәдләри изләмәк үчүн олдуғуну гејд едиб вә дејиб: "Дәмәшгин иҹазәси олмадан Суријада олан бүтүн хариҹи гүввәләр бу өлкәни тәрк етмәлидирләр". "Һәмы Суријанын әрази бүтөвлүјү, бирлији, сијаси мүстәгиллији вә суверенлијинә там һөрмәт етмәлидир", - дејә Тәхти Рәванши әлавә едиб. Өлкәсинин Сурија бөһранынын сијаси һәллинә там садиг олдуғуну вурғулајан Иран Ислам Республикасынын БМТ-дәки даими нүмајәндәси дејиб: "Сурија хариҹи ишләр назиринин бу јахынларда Теһрана сәфәри заманы бу месаж бир даһа вурғуланды вә Суријанын суверенлијини вә әрази бүтөвлүјүнү ҝүҹләндирмәк вә халгынын әзабларыны азалтмаг јоллары да дахил олмагла ҝениш спектрлы мөвзулар мүзакирә едилди". Тәхти Рәванчи Сурија мәсәләләри үзрә Иранын хүсуси нүмајәндәси илә БМТ баш катибинин Сурија үзрә хүсуси нүмајәндәси арасында бу өлкәнин сијаси просесләриндәки сон инкишафлар, о ҹүмләдән Конститусија Комитәсинин сон иҹласы барәдә мәсләһәтләшмәләрә тохунуб вә бу комитәнин истәнилән хариҹи мүдахилә вә ја тәзјиг олмадан, һабелә онун фәалијјәти үчүн һәр һансы бир сүни мөһләт тәјин едилмәдн өз ишинә давам етдирмәси ваҹиблији вурғулајыб. Иран Ислам Республикасынын БМТ-дәки даими нүмајәндәси сионист режимин Суријаја давамлы тәҹавүзләрини кәскин шәкилдә гынајыб вә дејиб: "Бу тәхрибат характерли һәрби авантүралар дајандырылмалыдыр". Тәхти Рәванчи бу иҹласда Суријанын бәрпасынын вә гачгынларын вә мәҹбури көчкүнләрин Суријадакы әсас јашајыш јерләринә тәһлүкәсиз вә көнүллү шәкилдә гајытмасынын асанлашдырылмасынын ваҹиблијини вурғулајыб вә гејд едиб ки, милјонларла суријалы гачгын мүәјјән ҝүҹләрин сијаси мараглары наминә ҝиров ҝөтүрүлмәмәлидир.
342/
