АБНА24 Хәбәр Верир, Түркијәнин хариҹи ишләр назири Мөвлуд Чавушоғлу дејиб: "АБШ-ын бу өлкәјә гаршы санксија тәтбиг етмәк гәрары һүгуги вә сијаси бахымдан сәһв бир аддымдыр вә Түркијәнин суверенлијинә бир һүҹумдур". Бундан әввәл Түркијә президенти Рәҹәб Тајјиб Әрдоған АБШ-ын бу аддымына ҹаваб олараг, дејиб: " Бу санксијаларла өлкәнин мүдафиә сәнајесинин инкишафы илә бағлы ҝүҹләндирилмиш иш режиминдә чалышаҹағыг". Һәмчинин Түркијәнин Президент Администрасијасынын иҹтимаијјәтлә әлагәләр идарәсинин рәһбәри Фәхрәддин Алтун да АБШ-ын Русијадан С-400 зенит-ракет комплексинин алынмасы сәбәбијлә Түркијәјә гаршы санксија тәтбиг етмәси гәрарындан сонра јаранан бөһрана тохунуб вә дејиб: "Бу бөһран сијасәт вә дипломатијанын тарих китабларына АБШ дипломатијасынын уғурсузлугларындан бири кими дәрҹ едиләҹәк". Гејд едәк ки, АБШ Малијјә Назирлији Түркијәнин дөрд рәсми шәхсинә, о ҹүмләдән Түркијә Мүдафиә Сәнајеси Идарәсинин рәһбәри Исмајыл Дәмирә гаршы санксија тәтбиг едиб. АБШ Дөвләт катиби Мајк Помпео дејиб ки, Түркијәјә гаршы санксија Русијадан С-400 һава һүҹумундан мүдафиә системләри алындығы үчүн тәтбиг олунуб.
342/
