АБНА24 Хәбәр Верир, Иран Ислам Республикасы президенти Һәсән Руһани бу ҝүн дахили вә хариҹи журналистләрин иштираки илә кечирдији мәтбуат конфрансында Түркијә президенти Рәҹәб Тајјиб Әрдоғанын Бакыдакы гәләбә парады заманы охудуғу шеир вә Иран-Түркијә әлагәләринин перспективи илә бағлы журналистләрин суалларыны ҹавабландыраркән, Иран-Түркијә әлагәләринин чох әһәмијјәтли олдуғуну, ики гоншу олараг, сијаси вә игтисади әлагәләр малик олдугларыны, реҝионал мәсәләләрдә мәсләһәтләшмә апардыгларыны вә Астана просесиндә бирҝә иштирак етдикләрини бәјан едиб вә дејиб. "Әрази бүтөвлүјү мәсәләси, Иран вә Иранын мөвгеји хүсуси әһәмијјәт кәсб едир вә бир ҹүмләјә һәссас јанашмаг халгымызын һаггыдыр". "Мәним үчүн ваҹиб олан Түркијә хариҹи ишләр назиринин Иранын хариҹи ишләр назиринә, ҹәнаб Әрдоғанын үмумијјәтлә белә бир нијјәти олмадығыны сөјләмәси вә Түркијә президентинин сөзчүсү вә Түркијә сәфиринин дә бу мәсәләјә тәкид етмәси иди", - дејә о, әлавә едиб. Руһани бу шеирин чохшахәли бир шеир олдуғуну вә Иранда охунурса бир мәна, башга бир јердә охунарса башга бир мәна дашыдығыны бәјан едәрәк, дејиб: "Түркијә рәсмиләри ҹәнаб Әрдоғанын белә бир нијјәти олмадығыны ачыг шәкилдә билдирәркән вә һәмин чыхышда бөлҝәдә чохтәрәфли фәалијјәтин ваҹиблијини вурғуладығы һалда вә ҹәнаб Әрдоғаны таныдығым гәдәр онун әрази бүтөвлүјүмүзә гаршы һөрмәтсизлик етмәк истәдијини дүшүнмүрәм". О, даһа сонра дејиб: "Етираз едәнләрин вәтәнпәрвәрликләринә гаршы һәссас олдугларыны ҝөстәрмәк һүгугу вар, Лакин Түркијә рәсмиләри онун Азәрбајҹан Республикасы халгынын әразиләринин азад едилмәсиндән мәмнун олдуғуну сөјләмәк истәдијини ачыг шәкилдә билдирдиләр. Ҹәнаб Әрдоған үмумијјәтлә чох шеир охујур вә мәнҹә бәјан едилән изаһатларла бу мәсәләдән кечә биләрик". Дөвләт башчысы дејд едиб ки, халгымызын һәссаслығы чох ваҹибдир вә бүтүн дүнја билмәлидирләр ки, милли торпағын һәр бир миллиметри халгымыз үчүн бөјүк әһәмијјәт дашыјыр вә һәр кәс өз чыхышларында бу мәсәләјә даһа чох диггәт јетирмәлидир. Иран Ислам Республикасынын президенти, һөкумәтин бүтүн вар гүввәси илә нүвә анлашмасынын мәһв олмасына имкан вермәјәҹәјини бәјан едәрәк, әлавә едиб: "АБШ-ын һазыркы президенти Доналд Трампын әсас мәгсәди, нүвә анлашмасыны мәһв етмәк иди, Лакин буну баҹармады". Иранын Иҹра башчысы билдириб ки, Иран Ислам Республикасы дүнјанын бүтүн өлкәләри илә, хүсусән дә Русија вә Чин илә әлагә гурмаға чалышыр вә Авропа Бирлији вә гоншу өлкәләрлә дә јахшы мүнасибәтләрә малик олмагда мараглыдыр". Руһани, Иран Ислам Республикасынын шәһид Фәхризадәнин интигамыны алмағы өз һаггы һесаб етдијини вә буну лазыми јердә вә доғру заманда едәҹәјини гејд едиб вә билдириб ки, Иран Ислам Республикасы башгаларына бу гисасын вахты вә мәканыны тәјин етмәк иҹазәси вермәјәҹәк.
342/
